Rikthehet energjia në disa qytete/ Më herët kishte shkëputje, defekti nisi nga linja e interkonjeksionit me Greqinë

Ndërsa, ministria e Infrastrukturës dhe Energjisë ka reaguar për rënien e transmetimit të energjisë elektrike në vend, ku ka sqaruar se defekti ka filluar nga linja e interkonjeksionit me Greqinë, dhe ka vazhduar në të gjithë vendin.

Sipas ministrisë, shkak i shkëputjes kanë qenë volumet e larta të transmetimit dhe temperaturat ekstreme.

“Defekti ka filluar nga linja e interkoneksionit me Greqinë dhe më pas ka vazhduar me efekt kaskadë në të gjithë vendin. Është identifikuar defekt edhe në linjën e Prizrenit.

Nga kqyrja fillestare rezulton se volumet e larta të transmetimit si dhe temperaturat ekstreme kane qenë shkaktarët e shkëputjes totale të linjave të transmetimit. OST po merr masa për rikthimin e energjisë elektrike te të gjithë konsumatorëve.”, thuhet në njoftim.

Ndërprerja e energjisë/ OST: Defekti në linjën e interkoneksionit me Greqinë, shkak temperaturat

Operatori i Sistemit të Transmetimit ka reaguar për ndërprerjen e energjisë elektrike në disa qytete të vendit.

OST thotë se volumet e larta të transmetimit si dhe temperaturat ekstreme kanë qenë shkaktarët e shkëputjes totale të linjave të transmetimit.

Ndërkohë thekson se defekti ka filluar nga linja e interkoneksionit me Greqinë dhe më pas ka vazhduar me efekt kaskadë në të gjithë vendin. 

"Defekti ka filluar nga linja e interkoneksionit me Greqinë dhe më pas ka vazhduar me efekt kaskadë në të gjithë vendin. Është identifikuar defekt edhe në linjën e Prizrenit. Nga këqyrja fillestare rezulton se volumet e larta të transmetimit si dhe temperaturat ekstreme kane qenë shkaktarët e shkëputjes totale të linjave të transmetimit. OST po merr masa për rikthimin e energjisë elektrike te të gjithë konsumatorët", thuhet në reagim.

Ndërprerje të energjisë elektrike ka pasur në qytetet si Maliq, Pogradec, Tiranë, Shkodër, Lezhë, Elbasan dhe në jug të vendit.