Makina del nga rruga në Fushë-Arrëz/ Humb jetën shoferi

Një person dyshohet se ka humbur kontrollin e mjetit dhe si pasojë makina ka dalë nga rruga në vendin e quajtur "Laku i Ballcit".

Fatkeqësisht, shoferi ka humbur jetën për shkak të dëmtimeve të marra.

Viktima është identifikuar si 40-vjeçari me iniciale Sh. Ll.

Ndërkohë, grupi hetimor po punon për sqarimin e shkaqeve dhe rrethanave të aksidentit.

Makina del nga rruga dhe përplaset me trafik ndarësen në Lezhë, dy të plagosur

Një aksident është shënuar mbrëmjen e së hënës në aksin Thumanë- Lezhë, ku një automjet që drejtohej nga një 35 vjeçar ka humbur kontrollin dhe është përplasur me trafik ndarësen.

Ngjarja ka ndodhur rreth orës 22:00. Për pasojë drejtuesi i mjetit dhe bashkëshortja e tij mbetën të plagosur, të cilët janë transportuar në spital për ndihmë mjekësore.

Grupi hetimor ndodhet në vendngjarje dhe po punon për sqarimin e rrethanave dhe shkakut të daljes nga rruga të automjetit.

U përplas me trafikndarësen pranë Parkut Zoologjik të Tiranës, ndërron jetë në spital 33-vjeçari

Një aksident i rëndë ndodhi disa ditë më parë në pranë Parkut Zoologjik të Tiranës. Mësohet se një 33-vjeçar u përplas me trafikndarësen në afërsi të nënkalimit.

Si pasojë, ka ndërruar jetë të hënën në spital.

“Në vijim të informacionit të dhënë më datë 05.09.2024, për një aksident të ndodhur në afërsi të nënkalimit të Parkut Zoologjik të Tiranës, ku shtetasi 33 vjeç, është përplasur me trafikndarësen, si pasojë e dëmtimeve të marra nga aksidenti, ky shtetas ka ndërruar jetë në spital, ditën e djeshme”, thuhet në njoftimin e policisë.

Ndërkohë, materialet i kaluan Prokurorisë.

Përplasi me automjet 38 vjeçarin në aksin “Peqin-Elbasan”, arrestohet drejtuesi

Një 28 vjeçar është arrestuar nga policia për një aksident të shkaktuar në aksin rrugor “Peqin-Elbasan”.

Ngjarja ka ndodhur pasditen e së hënës, ku përplasi me automjet një 38 vjeçar, i cili ndodhet në spital.

“Sektori i Qarkullimit Rrugor arrestoi në flagrancë shtetasin M. M., 28 vjeç, banues në Tiranë, sepse pasditen e djeshme, në aksin rrugor “Peqin-Elbasan”, automjeti që ai drejtonte ka përplasur automjetin me drejtues shtetasin Sh. Xh., 38 vjeç, banues në Berat, i cili vijon të jetë në kujdesin e mjekëve. “, njofton policia.

Makina del nga rruga në Kukës, humb jetën 46 vjeçari, lëndohet vajza e mitur

Një aksident me vdekje është shënuar mëngjesin e së martës në Kukës. Një automjet tip “Mitsubishi” ka humbur kontrollin dhe si pasojë automjeti ka dalë nga rruga te “Ura e Topojanit”.

Për shkak të dëmtimeve ka humbur jetën drejtuesi 46 vjeçar ndërsa e plagosur ka mbetur vajza e tij e mitur, e cila ishte pasagjere në automjet. Ajo ndodhet jashtë rrezikut për jetën.

Grupi hetimor po punon për sqarimin e rrethanave të aksidentit.

Aksidentoi një person në aksin rrugor Grudë e Re-Shkodër, nën hetim 22-vjeçarja

Një 22-vjeçare është proceduar penalisht nga policia në Shkodër.

E reja, teksa drejtonte automjetin, përplasi motomjetin me drejtues një 42-vjeçar.

Aksidenti ndodhi në segmentin rrugore Grudë e Re-Shkodër.