Aksident në Milot-Mamurras, del nga rruga makina, humb jetën nëna, 3 fëmijët shoqërohen në spital

1 vit, 10 muaj më parë - 19 Maj 2022, abcnews
Aksident në Milot-Mamurras, del nga rruga makina, humb jetën nëna, 3 fëmijët shoqërohen në spital
Aksident i rëndë në Lezhë, makina përmbyset në rrugë, dy persona të plagosur nisen me urgjencë drejt Tiranës; Ndodh sërish, autobusit i del goma në mes të Tiranës, bllokohet “21 Dhjetori”; Aksident në Berat-Dimal, makina përplas motorçikletën, rëndë drejtuesi; U përfshinë në aksident, arrestohet e reja në Elbasan, 18-vjeçari përfundon tek Trauma;

Aksident në Milot-Mamurras, del nga rruga makina, humb jetën nëna, 3 fëmijët shoqërohen në spital

Një aksident i rëndë ka ndodhur në orët e para të kësaj të enjte në aksin e autostradës Milot-Mamurras.

Burime për ABC bëjnë me dije se një autoveturë që po udhëtonte në drejtim të Rinasit, ka dalë nga rruga dhe është përplasur me një objekt. Si pasojë, ka humbur jetën gjatë rrugës për në spital një grua. Shkak i aksidentit është bërë pagjumësia e drejtuesit, që është shoqëruar menjëherë në polici.

Sakaq, mësohet se në mjet udhëtonin një çift bashkëshortësh dhe tre fëmijët, të cilët fatmirësisht janë jashtë rrezikut për jetën.

Aksident i rëndë në Lezhë, makina përmbyset në rrugë, dy persona të plagosur nisen me urgjencë drejt Tiranës

Një aksident i rëndë ka ndodhur në Gjorm të Lezhës pasditen e së mërkurës ku një makinë ka dalë nga rruga dhe është përmbysur.

Të plagosur kanë mbetur dy të rinjtë që ndodheshin brenda në makinë, të cilët janë nisur me urgjencë drejt Tiranës.

Ndodh sërish, autobusit i del goma në mes të Tiranës, bllokohet “21 Dhjetori”

Një tjetër autobus ka pësuar defekt në kryeqytet. Bëhet fjalë për një autobus të linjës “Uzina Dinamo – Qendër – Sharrë” të cilit i është shkëputur goma dhe për pasojë ka mbetur në mes të rrugës.

Kjo ka sjellë edhe radhë të gjata trafiku në zonën e “21 Dhjetorit”. Si pasojë e shkëputjes së gomës, është dëmtuar edhe një mjet tjetër.

Ky është e disata herë që autobusët e kryeqytetit pësojnë defekt ose përfshihen në aksident.

Aksident në Berat-Dimal, makina përplas motorçikletën, rëndë drejtuesi

Një aksident ka ndodhur në aksin nacional Berat-Dimal, në fshatin Moravë. Një automjet tip “Seat”, me targa BR 2121 B ka përplasur një motoçikletë. Drejtuesi i motoçikletës, 65-vjeçari R.A është përplasur në asfaltin e rrugës dhe për pasojë ka marrë plagë të shumta në trup.

I plagosuri është transportuar drejt Spitalit Rajonal Berat, ku ndodhet nën kujdesin e mjekëve, jashtë rrezikut për jetën, ndërkohë që drejtuesja e automjetit tip Seat, me iniciale Sh.A,50-vjeçe është shoqëruar në polici ku edhe po jep deklaratën e saj rreth ngjarjes.

Në vendngjarje kanë shkuar forca të shumta të policisë rrugore dhe ekspertë, të cilët po punojnë për zbardhjen e shkaqeve dhe dinamikës së ngjarjes. Paraprakisht mendohet se shkak për aksidentin është bërë motoçikleta, që në përpjekje për të kaluar nga njëra anë e rrugës në tjetrën i ka prerë rrugën makinës.

U përfshinë në aksident, arrestohet e reja në Elbasan, 18-vjeçari përfundon tek Trauma

Një 31-vjeçare është vënë në prangat e policisë për shkak se është përfshirë në një aksident me makinë.

Sipas policisë e arrestuara është S. M., 31 vjeçe. Ajo ka qenë duke udhëtuar me makinën e saj dhe është përplasur me motorin që drejtohej pa leje drejtimi, nga  B. P.

Si pasojë e aksidentit është dëmtuar 18-vjeçari, i cili po merr mjekim në Spitalin e Traumës.

Njoftimi i policisë:

Specialistët e Qarkullimit Rrugor arrestuan në flagrancë shtetasen S. M., 31 vjeçe, banuese në fshatin Kuqan, Elbasan, si dhe referuan materialet në Prokurorinë pranë Gjykatës së Shkallës së Parë Elbasan, për shtetasin B. P., 18 vjeç, banues në fshatin Gjergjan, Elbasan, për veprat penale “Drejtimi i automjeteve në mënyrë të parregullt” dhe “Shkelja e rregullave të qarkullimit rrugor”. 31-vjeçarja, duke drejtuar automjetin, është përplasur me motomjetin që drejtohej pa leje drejtimi, nga shtetasin B. P. Si pasojë e aksidentit është dëmtuar 18-vjeçari, i cili po merr mjekim në Spitalin e Traumës,Tiranë.

37-vjeçari në Tiranë përplas me motor një të moshuar që po lëvizte me biçikletë

Një 37-vjeçar në Tiranë ka përplasur me motor një të moshuar që po lëvizte me biçikletë. Bëhet e ditur se ngjarja ka ndodhur paraditen e së mërkurës në afërsi të kryqëzimit të 21 Dhjetorit.

A.T., 37 vjeç, ka aksidentuar 72-vjeçarin H. B. Për pasojë, i moshuari ka marrë lëndime dhe ndodhet në  spital, nën kujdesin e mjekëve.

Grupi hetimor ndodhet në vendngjarje dhe po punon për sqarimin e rrethanave të ngjarjes.

U aksidentuan me makinë në aksin Fier-Seman, ndërron jetë 22-vjeçarja

Fat tragjik ka pasur një 22-vjeçare e cila u përfshi në një aksident në aksin Fier-Seman.

Pasditen e 5 majit në zonën e Fermës në aksin Fier-Seman, një makinë tip “Seat” u përplas me një mur dhe për pasojë 22-vjeçarja Ergesa Ibrushi bashkë me shoqen e saj mbetën të plagosura. Fatkeqësisht Ergesa nuk mundi të mbijetojë më gjatë plagëve të marra, duke ndërruar kështu jetë.

Lajmi konfirmohet nga familjarë të vajzës, ndërsa një postim plot dhimbje është bërë edhe në faqen e shkollës së mesme profesionale “Petro Sota”, nxënëse e së cilës Ergesa ka qenë.

“ Me hidhërin të madh ne, si staf pedagogjik i shprehim ngushëllimet më të sinqerta familjarëve, për largimin e parakohëshm nga jeta të ish nxënëses tonë Ergesa! Vajza model që me sjelljen e saj dhe përkushtimin që kishte ndaj shkollës ka lenë gjurmë te secili prej nesh. Ishte vajza që me mirësinë dhe sinqeritetin e saj ishte gjithmonë pranë shokëve dhe shoqeve! Ashtu do mbetesh në sytë tanë, në shpirtin tonë Ergesa. I paharruar kujtimi saj! Lamtumirë e bukura jonë Erges”, mbyllet postimi e shkollës.

Përplasja e fortë e automjetit tip Seat me targa AB 798 DM, me murin e një karburanti, la të plagosura dy vajzat që udhëtonin në të. Ndërkohë Policia ka arrestuar fill pas ngjarjes, drejtuesen e mjetit, po 22 vjeçe,  Stela Tafa, nën akuzën e shkeljes së rregullave të qarkullimit rrugor, ndërsa vijon të jetë në gjendje jo të mirë shëndetësore.

Support Ukraine