Aksident në Kozare të Beratit, 33-vjeçari humb kontrollin e mjetit dhe përmbys makinën në mes të rrugës! Shpëton mrekullisht shoferi

 Një aksident është regjistruar mbrëmjen e kësaj të hënë në fshatin Kozare në Berat ku ka shpëtuar mrekullisht shoferi 33-vjeçar. Shkak i këtij aksidenti ishte shpejtësia dhe mungesa e ndriçimit të sinjalistikës rrugore.

Makina është përmbysur në mes të rrugës. Siç shihet edhe në video makina ka dalë nga rruga dhe ka përfunduar e përmbysur. Ka qënë një banor i zonës ai që ka njoftuar policinë, e cila ka mbërritur në vendngjarje, ku edhe po kryhen kqyrjen e vendit të aksidentit.

Drejtuesi i mjetit ka pësuar lëndime dhe është transportuar për mjekim drejt Spitalit të Kuçovës, ndërkohë që makina ka pësuar dëme të mëdha materiale.

Burime nga vendngjarja bëjnë me dije se, mjeti ka qene duke qarkulluar me shpejtësi dhe drejtuesi i saj ka humbur kontrollin gjatë një kthese të fortë në këtë aks rrugor, duke u përplasur me trafikndarësen.

Tentoi të vidhte një makinë dhe goditi policët, pranga 28-vjeçarit në Tiranë

Një 28-vjeçar është arrestuar në Tiranë pasi ka tentuar të vjedhë një automjet dhe më pas ka goditur efektivët. Ngjarja ka ndodhur rreth orës 11:10, në bulevardin e Kasharit, ku uniformat blu ku kanë konstatuar një shtetas i cili po tentonte të vidhte një automjet.

Në momentin efektivët kanë ndërhyrë, 28-vjeçari D. S., 28 vjeç, banues në Tiranë, ka kundërshtuar më dhunë dhe goditur punonjësit e Policisë, për shkak të detyrës.

Policia thotë se po sot, 28-vjeçari kanosur nëpërmjet telefonit, një tregtar makinash në Vorë, për t’i marrë atij një automjet.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.

Aksident në Elbasan, shoferi humb kontrollin e mjetit dhe del nga rruga! Plagoset 25-vjeçari

Një aksident është regjistruar mbrëmjen e kësaj të diele në Ebasan. Një 25-vjeçar ka humbur kontrollin e mjetit që për pasojë ka dalë nga rruga dhe është përmbysur.

Si pasojë e aksidentit është plagosur shoferi 25-vjeçar.

Aktualisht ai ndodhet në kujdesin e mjekëve jashtë rrezikut për jetën.

Grupi hetimor po punon për zbardhjen e plotë të rrethanave të aksidentit.