Aksidenti me 3 të plagosur në aksin rrugor Pogradec-Qafë Thanë, një prej të lënduarve transferohet në Tiranë me helikopter

Nuk janë dhënë detaje nga gjendja shëndetësore e të lënduarve, por raportohet për gatishmëri të plotë nga ana e shërbimeve të emergjencës dhe menaxhimi i situatës.

Aksidenti ndodhi rreth orës 17:50 në aksin rrugor “Pogradec-Qafë Thanë” në afërsi të fshatit Udënisht.

Ka qenë automjeti tip “Toyota” me drejtuese shtetasen E.B., ajo që është përplasur me makinën tip “Hyundai” që drejtohej nga shtetasi D.R.

Si pasojë e aksidentit, mbetën të lënduar dy drejtuesit dhe një pasagjere e mjetit tip “Hyundai”.

Sakaq, grupi hetimor po punon për sqarimin e rrethanave dhe shkakun e aksidentit.

Njoftimi i policisë:

Pogradec/Informacion paraprak

Rreth orës 17:50, në aksin rrugor “Pogradec-Qafë Thanë”, në afërsi të fshatit Udënisht, automjeti tip “Toyota” me drejtuese shtetasen E. B., është përplasur me automjetin tip “Hyndai” me drejtues shtetasin D. R.

Si pasojë e përplasjes kanë ngelur të dëmtuar drejtuesja e automjetit tip Toyota, si dhe drejtuesi i automjetit tip Hynday dhe një pasagjere në këtë automjet, të cilët ndodhen në spital për mjekim.

Grupi hetimor po punon për sqarimin e rrethanave dhe shkakun e aksidentit.

Trafik kilometrik pranë Librazhdit, uniformat blu në pamundësi për të ndërhyrë

Rruga që lidh Librazhdin me Elbasanin është përfshirë nga një trafik kilometrik automjetesh, duke krijuar kështu një gjendje kaotike. Kjo ka ndodhur për shkak të disa punimeve që po bëhen në një urë pranë Librazhdit, e cila është bërë me një kalim të vetëm.

Uniformat blu ndodhen në vendngjarje, por raportohet se e kanë të pamundur ndërhyrjen momentalisht për zgjidhjen e situatës.

Këto punime, ditën e diel, ka bërë që të bllokohen qindra udhëtarë të cilët po lëvizin nga Korça që në orën 15:00.

Rruga Hotolisht-Mirakë dhe Labinot-Elbasan kërkon më shumë se dy orë për tu përshkuar, por automjetet kanë mbetur të bllokuar në këtë aks rrugor.

Aksident në aksin rrugor Lushnjë-Berat, përplasen dy automjete me njëra-tjetrën, një prej të lënduarve në gjendje të rëndë shëndetësore

Një aksident shënon pasditen e kësaj të diele në rrugën nacionale Lushnjë-Berat, ku dy automjete janë përplasur me njëra tjetrën, duke lënë të plagosur dy persona.

Një aksident shënon pasditen e kësaj të diele në rrugën nacionale Lushnjë-Berat, ku dy automjete janë përplasur me njëra tjetrën, duke lënë të plagosur dy persona.

Raportohet se të lënduarit janë transportuar me urgjencë në spital.

Sipas burimeve, një prej tyre ndodhet në gjendje të rëndë shëndetësore.

Ende nuk dihen shkaqet e aksidentit, por uniformat blu ndodhen në vendngjarje dhe po vijojnë punimet për zbardhjen e rrethanave të rastit dhe dokumentimin ligjor të saj.

Përplasja e dy mjeteve lundruese në Velipojë shënon viktimën, ndërron jetë 19 vjeçari italian në spital

Ka ndërruar jetë 19 vjeçari me origjinë italiane i cili ishte i përfshirë në aksidentin e dy jet-skive në plazhin e Velipojës  ditën e sotme.

I riu i identifikuar me iniciale N.L., 19 vjeç, ka ndërruar jetë në ambientet e Spitalit Rajonal të Shkodrës.

Të dy jet-ski drejtoheshin nga italianë, të moshës 19 dhe 20 vjeç, të cilët kryen manovra të gabuara duke përfunduar kështu të përplasura rreth 1 milje jashtë perimetrit të sigurisë.

Më herët u raportua se 19 vjeçari ndodhej në spital për të marrë ndihmë mjekësore pasi ishte i vetmi i lënduar.

Sakaq, dy mjetet lundruese u bllokuan nga shërbimet e Policisë Kufitare.

Grupi hetimor po vijon punimet për zbardhjen e plotë dhe dokumentimin ligjor të rrethanave të kësaj ngjarje.

Njoftimi i policisë:

Velipojë/Informacion shtesë

Në lidhje me informacionin e dhënë më parë, për një përplasje mes dy mjeteve lundruese Jet Ski, në thellësi të plazhit të Velipojës, rreth një milje larg nga perimetri i sigurisë, ju bëjmë me dije se shtetasi italian N. L., 19 vjeç, ka humbur jetën në Spitalin Rajonal të Shkodrës.

Grupi hetimor në drejtimin e Prokurorisë së Shkodrës, po vijon punën për zbardhjen dhe dokumentimin e rrethanave të këtij rast.

Përplasen dy automjete në aksin e vjetër Levan-Vlorë, plagosen dy persona! Policia po normalizon trafikun e krijuar

Një aksident midis dy automjeteve shënon pasditen e sotme në aksin e vjetër rrugor Levan-Vlorë, afërsisht 100 metra pas Qafës së Koshovicës.

Në aksident janë përfshirë dy automjete të tipit “Benz” dhe “Audi”.

Dy personat që ndodheshin në makinën tip “Benz” janë plagosur lehtë dhe janë dërguar me autoambulancë në Spitalin Rajonal të Fierit, për të marrë ndihmë mjekësore.

Ndërkohë, drejtuesi i automjetit tip “Benz” nuk ka pësuar lëndime saqë ndodhet ende në vendngjarje.

Për shkak të aksidentit është krijuar trafik i rënduar.

Uniformat blu ndodhen në vendngjarje dhe po përpiqet të normalizojë lëvizjen e automjeteve për të mos pasur bllokime në trafik.