Aksident në Tiranë, automjeti përfundon mbi trotuar dhe përplaset me një tjetër

Siç shihet edhe nga pamjet, disa automjete janë përplasur midis tyre.

Një automjet tip Benz ka dalë nga rruga duke përfunduar në korsinë tjetër.

Për pasojë, ka rrëzuar një pemë dhe është përplasur me një automjet që vinte në krah të kundërt, shkruan News24.

Aksident në Vlorë/ Makina del nga rruga, plagoset 20-vjeçari

Një aksident ka ndodhur pasditen e sotme në qytetin e Vlorës.

Uniformat blu bëjnë me dije se, shtetasi T. Z., 22 vjeç, duke drejtuar automjetin dyshohet se ka humbur kontrollin dhe ka dalë nga rruga.

Si pasojë është dëmtuar pasagjeri që udhëtonte me të, shtetasi A. M., 20 vjeç.

“Sot rreth orës 18:30, në aksin rrugor “Orikum-Vlorë”, shtetasi T. Z., 22 vjeç, duke drejtuar automjetin tip “Audi”, dyshohet se ka humbur kontrollin mbi drejtimin e tij dhe automjeti ka dalë nga rruga. Për pasojë është dëmtuar pasagjeri që udhëtonte me të, shtetasi A. M., 20 vjeç, i cili u dërgua për ndihmë mjekësore në spitalin e Vlorës.

Grupi hetimor po punon për zbardhjen e plotë të rrethanave të aksidentit.

Aksident në aksin Pogradec-Qafë Thanë, 6 persona të lënduar

Një aksident që ka përfshirë 3 automjete ka çuar në plagosjen dhe lëndimin e 6 shtetasve. Ngjarja ka ndodhur këtë mëngjes në aksin rrugor “Pogradec-Qafë Thanë”, në afërsi të fshatit Udënisht. Policia bën me dije se të lënduarit janë jashtë rrezikut për jetën.

NJOFTIMI I POLICISE

Më datë 01.01.2024, rreth orës 10:00, në aksin rrugor “Pogradec-Qafë Thanë”, në afërsi të fshatit Udënisht, janë përplasur 3 automjete me drejtues shtetasit E. Q., Ch. R. dhe E. L.

Për pasojë kanë marrë lëndime 6 shtetas, të cilët ndodhen në spitalin e Pogradecit, aktualisht jashtë rrezikut për jetën. Grupi hetimor po kryhen veprimet procedurale dhe po punon për zbardhjen e rrethanave të aksidentit.