Fatmirësisht, personat që udhëtonin në mjet nuk janë lënduar. Dyshohet që shkak i aksidentit të ketë qenë shpejtësia e lartë me të cilën lëvizte mjeti e për pasojë ka përfunduar në lumë.
Policia ka mbrritur në vendngjarje dhe po punon për zbardhjen e rrethanave. Në shumë raste ky segment rrugor ka pasur aksidente me dëme materiale, të lënduar apo edhe viktima në këmbësorë pasi mjetet lëvizin me shpejtësi tej normave të lejuara.
Vazhdimisht banorët që jetojnë përgjatë kësaj rrugë kanë kërkuar shtim të sinjalistikës që mundëson uljen e shpejtësisë por deri më sot ato nuk janë vendosur.
Makina përplaset me motorin në Vlorë, plagoset 44 vjeçari
Një aksident është shënuar mbrëmjen e sotme në Vlorë ku për pasojë ka mbetur i plagosur një person. Ngjarja ka ndodhur në autostradën Vlorë-Fier, ku një makinë tip “Renault” është përplasur me një motomjet që drejtohej nga një 44 vjeçar, i cili ka marrë edhe disa dëmtime.
Njoftimi i policisë:
Sot, rreth orës 18:20, në autostradën Vlorë-Fier, një automjet tip “Renault” me drejtues shtetasin L. Q., 27 vjeç, është përplasur me një motomjet me drejtues shtetasin E. P., 44 vjeç, i cili si pasoje e aksidentit, është dëmtuar dhe aktualisht ndodhet në spital, nën kujdesin mjekësor.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.
EMRI/ Aksidenti me 5 të lënduar te “5 Maji”, arrestohet shoferi nga Kosova
Një aksident i frikshëm ndodhi mbrëmjen e djeshme në rrugën “5 Maji” në Tiranë, ku mbetën të lënduar 5 persona. Policia njofton se është arrestuar shtetasi kosovar Kushtrim Reshiti, 23-vjeç, banues në Tiranë dhe është proceduar shtetasi E.P, 25-vjeç.
Shtetasi kosovar duke drejtuar automjetin për shkak të një manovre të gabuar është përplasur me automjetin me drejtues shtetasin E.P.
Njoftimi i policisë:
pecialistët e Qarkullimit Rrugor arrestuan shtetasin kosovar K. R., 23 vjeç, banues në Tiranë dhe nisi procedimi në gjendje të lirë për shtetasin E. P., 25 vjeç, banues në Tiranë, për veprën penale “Shkelja e rregullave të qarkullimit rrugor, pasi mbrëmjen e djeshme, në rrugën “5 Maji”, shtetasi K. R., duke drejtuar automjetin, për shkak të një manovre të gabuar, është përplasur me automjetin me drejtues shtetasin E. P.
Si pasojë janë dëmtuar shtetasi K. R. dhe pasagjerja në automjetin e tij, shtetasja A. R., si dhe pasagjerët e automjetit tjetër, shtetasit D. F., D. F., E. F. dhe M. B., të cilët ndodhen nën kujdesin e mjekëve.
