Arrestohen nëntë persona dhe bllokohen gjashtë makina në Tiranë/ Shkelën rregullat e qarkullimit

Gjatë javës së kaluar janë arrestuar nëntë persona dhe janë bllokuar gjashtë automjete për shkelje të rregullave të qarkullimit në Tiranë.

Nëntë shtetasit janë arrestuar për drejtim automjeti në gjendje të dehur apo në efektin e lëndëve narkotike dhe për shkelje të rregullave të ndryshme të qarkullimit rrugor.

Janë vënë gjithsej 6675 gjoba, disa prej të cilave janë: 356 për shpejtësi mbi normat e lejuara, 59 për përdorim të celularit gjatë drejtimit të mjetit, 6 për përdorim të xhamave të errësuar, 62 për mosdhënie përparësi këmbësorëve në vijat e bardha, 82 për mosvënie të rripit të sigurimit nga drejtuesit e automjeteve, 33 për mosvendosje të kaskës mbrojtëse nga drejtuesit e motomjeteve, 145 për parakalime të gabuara, 5314 për parkime të gabuara.

Ndërsa gjashtë automjete janë bllokuar për detyrime të pashlyera, mungesë dokumentacioni, verifikime nga Seksioni i Trafiqeve të Paligjshme në DVP Tiranë.

Aksident në aksin Pogradec-Korçë, humb kontrollin e mjetit dhe përfundon në kanal

Një aksident është regjistruar mëngjesin e sotëm në aksin rrugor Pogradec-Korçë, në afërsi të fshatit Velitern.

Paraprakisht bëhet e ditur se mjeti “Mercedes” ka dalë jashtë rruge, së pari është përplasur me trafikndarësen dhe më pas ka rënë në kanal.

Mësohet se shkak për aksidentin është bërë shpejtësia e lartë dhe një parakalim i gabuar, i cili i është kryer nga drejtuesi i mjetit në momentin e aksidentit.

Si pasojë e këtij aksidenti nuk janë regjistruar dëme njerëzore, por vetëm dëme materiale.

Ndërkaq policia po punon për zbardhjen e shkaqeve të aksidenti.