Aksident i rëndë në aksin Pogradec-Drilon/ Kamioni përplas një person që po lëvizte me biçikletë

Sipas informacioneve një mjet tip kamion ka përplasur një person i cili po drejtonte biçikletën në hyrje të një kantieri ndërtimi.

Sipas të dhënave drejtuesi i biçikletës ndodhet në gjendje të rende ne spitalin e Pogradecit, edhe pritet qe te transportohet drejt kryeqytetit për mjekim te specializuar.

Aksident në Ksamil/ Motori del nga rruga, plagoset drejtuesi 28-vjeçar

Një aksident ka ndodhur në Ksamil, ku një motor ka dalë nga rruga. Për pasojë, është plagosur drejtuesi Dhimitër Malaj 28 vjeç.

Ai është transportuar me automambulancë në urgjencën e spitalit të Sarandës. Sipas bluzave të bardha, 28 vjeçari ka plagë në kokë e në këmbë.

Për rrjedhojë mjeku kirurg për mjekim të specializuar e ka shtruar në pavionin e kirurgjisë.

Policia e qarkullimit që shkoi menjëherë në vendngjarje ka nisur hetimet për të përcaktuar shkaqet e aksidentit.

Aksident me vdekje në Tiranë, motomjeti përplas këmbësorin

Një aksident me pasojë vdekjen e një 75-vjeçareje është regjistruar mbrëmjen e 3 tetorit në Rrugën e Dibrës, në Tiranë.

Sipas policisë, rreth orës 19:35, shtetasi E. M., 20 vjeç, duke drejtuar një motomjet, ka aksidentuar këmbësoren Sh. M., 75 vjeçe.

E moshuara u dërgua në spital, por rreth orës 22:40 ka ndërruar jetë, si pasojë e plagëve të marra.

Nga aksidenti është dëmtuar edhe drejtuesi i motomjetit, 20-vjeçari E. M., i cili ndodhet në spital dhe është jashtë rrezikut për jetën.

Policia Rrugore e Tiranës ka arrestuar në flagrancë 20-vjeçarin, ndërsa materialet procedurale i janë referuar Prokurorisë për veprime të mëtejshme.

Aksident në aksin Korçë - Pogradec, një viktimë/ Makina përplaset me biçikletën, plagoset rëndë polici

Aksident nē hyrje të Korçës, humb jetën drejtuesi i motoçikletës, plagoset punonjësi i Policisë.

Aksidenti ndodhi këtë mengjes në afërsi të fshatit Çiflig.

Sipas të dhënave paraprake, një punonjës i Policisë së Qarkullimit, i cili sapo kishte përfunduar shërbimin, është përfshirë në një aksident me mjetin e tij, duke u përplasur me një motomjet.

Si pasojë e përplasjes, drejtuesi i motomjetit, një 60-vjeçar, ka humbur jetën.

Ndërkohë, punonjësi i Policisë është dërguar në Spitalin e Korçës për të marrë ndihmë mjekësore dhe, sipas informacioneve paraprake, ndodhet në Reanimacion.

Në vendngjarje kanë mbërritur shërbimet e Policisë, ndërsa po kryhen veprimet hetimore për përcaktimin e plotë të rrethanave dhe shkaqeve të aksidentit.

Aksident në Unazën e Fierit, makina përplaset me murin e një banese, plagoset drejtuesi

Një aksident rrugor ka ndodhur mëngjesin e kësaj të shtune në Unazën e qytetit të Fierit, ku një automjet tip Toyota ka dalë nga rruga dhe është përplasur me murin rrethues të një banese.

Sipas të dhënave paraprake, drejtuesi i automjetit ka humbur kontrollin, duke shkaktuar përplasjen e fortë. Për pasojë, ai ka pësuar lëndime dhe është transportuar në spital, ku ndodhet nën kujdesin e mjekëve.

Në vendngjarje kanë mbërritur shërbimet e Policisë, ndërsa grupi hetimor ka nisur punën për të përcaktuar shkaqet dhe rrethanat e aksidentit.

Hetimet vijojnë për zbardhjen e plotë të ngjarjes.