Audi luksoz del nga rruga në aksin 'Korçë-Pogradec' dhe 'shkul' nga vendi shtyllën elektrike, plagosen tre pasagjerë

2 muaj, 2 javë më parë - 14 Shtator 2023, shqiptarja
Audi luksoz del nga rruga në aksin 'Korçë-Pogradec' dhe 'shkul' nga vendi shtyllën elektrike, plagosen tre pasagjerë
Një aksident ka ndodhur pasditen e sotme pranë kryqëzimit të fshatit Libonik, Maliq. Audi ka dalë nga rruge duke marrë përpara dhe një shtyllë elektrike.

Një aksident ka ndodhur pasditen e sotme në aksin rrugor “Korçë-Pogradec”, pranë kryqëzimit të fshatit Libonik, Maliq. Rreth orës 16:05, drejtuesi i një automjeti tip “Audi” ka humbur kontrollin e makinës dhe për pasojë ka dalë nga rruga. Siç shihet nga pamjet e Report Tv, Audi luksoz ka rrëzuar edhe shtyllën e energjisë elektrike.

"Më datë 13.09.2023, rreth orës 16:05, në aksin rrugor "Korçë-Pogradec", pranë kryqëzimit të fshatit Libonik, Maliq, shtetasi R. L., duke drejtuar automjetin tip "Audi", dyshohet se ka humbur kontrollin mbi drejtimin e tij dhe automjeti ka dalë nga rruga.  Për pasojë janë dëmtuar shtetasit I. V., 46 vjeç, E. Xh., 23 vjeç dhe O. V., 17 vjeç, banues në Pogradec, pasagjerë në këtë automjet, të cilët u dërguan për mjekim në spitalin e Korçës. Me shtetasin R. L., po kryhen veprimet e mëtejshme procedurale", njofton policia.

Grupi hetimor po punon për zbardhjen e rrethanave të aksidentit.

Tiranë/ Shoferi i dehur merr para makinat e parkuara në Kashar, plagosen 2 këmbësorë, mes tyre një polic

2 persona mbetën të lënduar, ndërsa 3 makina u dëmtuan këtë të martë në rrugën dytësore në Kashar të Tiranës. Protagonist i kësaj ngjarjeje është një 49-vjeçar i cili i jepte makinës në gjendje të dehur.

TIRANË- 3 makina të parkuara janë përplasur nga një 49 vjeçar që po drejtonte automjetin në gjendje të dehur në rrugë dytësore, në Kashar. Për pasojë kanë mbetur të lënduar dy këmbësorë, njëri prej të cilëve efektiv policie.

Fillimisht 49 vjeçari përplasi një makinë të parkuar. Por nuk u ndal dhe vijoi të lëvizte me makinë duke përplasur edhe dy mjete të tjera, gjithashtu të parkuara. Pasi u arrestua në testin e alkoolit rezultoi se po drejtonte automjetin në gjendje të dehur.

"Më datë 12.09.2023, në rrugë dytësore, në Kashar, shtetasi Ç. K., 49 vjeç, duke drejtuar automjetin, është përplasur me një automjet të parkuar. Më pas drejtuesi i mjetit ka vazhduar lëvizjen, dhe është përplasur me dy automjete të tjera të parkuara. Si pasojë e aksidentit, janë dëmtuar shtetasit A. G., 48 vjeç, (punonjës Policie), dhe shtetasja A. Ll., 48 vjeçe, të cilët ndodheshin në këmbë në afërsi të automjeteve. Drejtuesi i mjetit, shtetasi Ç. K., pas shkaktimit të aksidentit, është larguar nga vendi i ngjarjes dhe është kapur më pas nga shërbimet e Policisë. Pas kryerjes së testit të alkolit, rezultoi se shtetasi Ç. K., drejtonte automjetin në gjendje të dehur, prova e parë 0.89 mg/l, dhe prova e dytë 0.87 mg/l", njofton policia.

Support Ukraine