Makina përplaset me barrierat anësore të rrugës në Korçë-Pogradec, dy të lënduar

Nga aksidenti janë lënduar dy persona, të cilët ndodhen jashtë rrezikut për jetën. Policia ndodhet në vendin e ngjarjes, ndërsa do të sqarojë rrethanat e aksidentit.

Nga pamjet e siguruara nga vendi i ngjarjes, shihet se mjeti është përplasur me barrierat në anësore të rrugës.

Njoftimi i policisë

Sot në aksin rrugor “Korçë-Pogradec”, pranë fshatit Symiz, Maliq, shtetasi A. C., duke drejtuar një automjet tip “Volkswagen”, dyshohet se ka humbur kontrollin mbi drejtimin e tij dhe automjeti ka dalë nga rruga.

Për pasojë është dëmtuar shtetasi G. D., pasagjer në automjet, i cili u transportua për mjekim në spitalin e Korçës. Grupi hetimor po punon për përcaktimin e shkakut të daljes nga rruga.

Përplasen dy mjete në kthesat e Llogarasë, shpëtojnë pa lëndime serioze pasagjerët 

Një aksident ka ndodhur paraditen e sotme në Llogara.

Mësohet se dy automjete janë përplasur me njëra-tjetrën, por për fat të mirë pasagjerët kanë shpëtuar pa lëndime serioze.

Sakaq policia ka mbërritur në vendngjarje dhe po punon për sqarimin e plotë të rrethanave.

Humbet kontrollin e mjetit duke dalë nga rruga, dy persona mbeten të plagosur

Dy persona kanë mbetur të plagosur si pasojë e një aksidenti të ndodhur në rrugën Gjirokastër-Libohovë.

Mësohet se një automjet tip “Peugot” ka humbur kontrollin duke dalë nga rruga.

Ne vendngjarje ka shkuar menjëherë grupi i shërbimit ku sipas raportimit nga aksidenti janë lënduar 2 persona.

Autoambulanca ka transportuar ne spital dy te lënduarit te cilet janë jashtë rrezikut per jetën.