Aksident në rrugën Pogradec-Qafë Plloçë, makina përplaset me trafikndarësen, plagoset shoferi! Ja si paraqitet gjendja e tij në spital

Si pasojë e aksidentit, një person ka mbetur i lënduar dhe është transportuar në Spitalin e Pogradecit për të marrë ndihmën mjekësore.

Burime paraprake bëjnë me dije se i dëmtuari ndodhet jashtë rrezikut për jetën.

Në vendngjarje kanë mbërritur shërbimet e Policisë dhe grupi hetimor, të cilët po kryejnë veprimet procedurale dhe po punojnë për zbardhjen e shkaqeve dhe rrethanave të aksidentit.

Motori del nga rruga në aksin Korçë - Bilisht, drejtuesi dërgohet në gjendje të rëndë në spital

Një aksident është shënuar paraditen e kësaj të mërkure në aksin nacional Korçë – Bilisht, në afërsi të fshatit Zëmblak.

Sipas informacioneve paraprake, mësohet se një drejtues motori ka humbur kontrollin mbi mjetin dhe ka dalë nga rruga.

Drejtuesi ka marrë dëmtime të rënda dhe ndodhet në spitalin e Korçës, në sallën e reanimacionit.

Policia ka mbërritur në vendngjarje për zbardhjen e rrethanave të aksidentit.

Aksident në i rëndë në Vlorë, plagoset drejtuesi i motorit! Niset me urgjencë drejt spitalit, ja si paraqitet gjendja e tij

Një aksident rrugor ka ndodhur mesditën e sotme në rrugën “Pelivan Leskaj” në Vlorë, ku një automjet është përplasur me një motor.

Si pasojë e përplasjes, drejtuesi i motorit ka mbetur i lënduar dhe është transportuar me ambulancë në spital, ku po merr ndihmën e nevojshme mjekësore.

Në vendngjarje kanë mbërritur forcat e Policisë, të cilat kanë nisur hetimet për të zbardhur rrethanat dhe shkaqet e aksidentit.

Nga pamjet e siguruara nga vendi i ngjarjes, duken dëmtime në mjetet e përfshira në aksident, ndërsa qytetarë të shumtë janë mbledhur pranë zonës ku ndodhi përplasja.

Aksident me vdekje në Tiranë, humb jetën 48-vjeçari që u përplas nga një makinë! Shoqërohet në polici 20-vjeçari

Një aksident me vdekje ka ndodhur mbrëmjen e sotme rreth orës 20:30, në zonë e Laknasit, ku ka humbur jetën një 48-vjeçar.

Sipas informacioneve paraprake, automjeti me drejtues shtetasin me iniciale E. V., 20 vjeç, është përplasur me motomjetin me drejtues shtetasin L. G., 48 vjeç, ku si pasojë ka humbur jetën ky i fundit.

Ndërkohë, 20-vjeçari është shoqëruar në Komisariat për veprime të mëtejshme procedurale.

Tiranë/Informacion paraprak

Më datë 10.06.2026, rreth orës 20:30, në rrugën “Nënë Tereza”, në Laknas, automjeti me drejtues shtetasin E. V., 20 vjeç, është përplasur me motomjetin me drejtues shtetasin L. G., 48 vjeç.

Si pasojë e aksidentit, drejtuesi i motomjetit ka humbur jetën, ndërsa drejtuesi i automjetit është shoqëruar në Komisariat për veprime të mëtejshme procedurale.

Grupi hetimor po punon për sqarimin e plotë të rrethanave dhe shkaqeve të aksidentit.