Aksident në aksin Korçë-Bilisht/ Humb jetën 24-vjeçarja

Nga aksidenti ka mbetur i plagosur drejtuesi i automjetit, 26 vjeç, i cili ndodhet në spital.

“Rreth orës 22:00, në aksin rrugor "Korçë-Bilisht", në afërsi të fshatit Zëmblak, automjeti tip, "Benz", me drejtues shtetasin T. M., është përplasur me automjetin tip "Peugeot ", me drejtues shtetasin K. K.

Si pasojë e përplasjes ka ndërruar jetë  shtetasja Z. K., pasagjere në automjetin tip "Peugeot".

Ndërsa drejtuesi i këtij automjeti është dërguar për ndihmë mjekësore në spitalin rajonal të Korçës.

Drejtuesi i automjetit tip "Benz", u shoqërua në ambientet e Komisariatit, për veprime të mëtejshme.

Grupi hetimor ndodhet në vendngjarje dhe nën drejtimin e Prokurorisë po vijon punën zbardhjen e rrethanave dhe të  shkakut të aksidentit”, njofton policia.

Aksidenti në Zëmblak/ Zbardhen detaje, çfarë deklaroi 26-vjeçari

Detaje të reja nga aksidenti i rëndë i mbrëmjes së djeshme në fshatin Zëmblak.

Sipas të dhënave, dyshohet se drejtuesi i mjetit tip "Peugeot" ka bërë manovër të gabuar, ku edhe sipas deklarimit të tij në polici, është thënë se i ka dalë një kafshë para dhe ka devijuar mjetin për të mos e goditur ndërsa është përplasur kokë më kokë në korsinë tjetër me mjetin "Benz".

Goditja ka qenë shumë e fortë çka ka sjellë edhe vdekjen e menjëhershme të 24 vjeçares greke, pasagjere në mjetin "Peugeot".

Dy të rinjtë jetonin në Selanik, mësohet se ishin të fejuar me njëri-tjetrin dhe kanë ardhur në Shqipëri rreth datës 27 dhjetor për të kaluar festat e fundvitit.

Trupi i viktimës do të dërgohet në Institutin e Mjekësisë Ligjore në Tiranë pasi do të jenë ata që do të bëjnë këqyrjen për arsye se është shtetase e huaj.

Hetimet ende vijojnë nga ana e policisë për zbardhjen e plotë të rrethanave.

Aksident në aksin Korçë-Pogradec/ Makina përplas motorin

Aksident në aksin nacional Korçë - Pogradec, në afërsi të fshatit Pirg.

Mësohet se një mjet ka përplasur një motor.

Policia ka shkuar drejt vendit të ngjarjes pasi aksidenti sapo është rregjistruar.

Priten detaje të tjera në vazhdim.