Aksident në aksin Korçë-Bilisht, makina përplas motorin në të cilin udhëtonin burrë e grua

Sipas informacioneve të para mësohet se një makinw tip "Isuzi" ka përplasur një motor me të cilin udhëtonin burrë e grua, Agron dhe Drita Hasaj.

Çifti ka mbetur i plagosur dhe u transportuan në spitalin rajonal të Korçës ndërsa ende nuk dihet gjendja e tyre.

Më datë 02.01.2024, në aksin rrugor "Korçë-Bilisht", pranë fshatit Bitinckë, automjeti tip "Isuzi" me drejtues shtetasin Sh. L., ka përplasur motomjetin me drejtues shtetasin A. H., rreth 64 vjeç. Për pasojë ka marrë dëmtime ky i fundit dhe bashkëshortja e tij D. H., rreth 59 vjeçe, pasagjere në motomjet, të cilët po transportohen për mjekim në spitalin e Korçës", njofton policia.

Drejtuesi i automjetit u shoqërua për veprime të mëtejshme procedurale. Grupi hetimor po punon për zbardhjen e rrethanave të aksidentit.

Lushnjë/ Makina i pret rrugën mjetit me targa gjermane, dy të plagosur në gjendje të rëndë

LUSHNJË- Një aksident me dy të plagosur ka ndodhur këtë mbrëmje në aksin Kashtë-Bardhë Krutje.

Mjeti tip fuoristradë me targa gjermane udhëtonte nga fshati Kashtë-Bardhë në drejtim të Krutjes kur mjeti tip Passat i ka prerë rrugën në kryqëzimin e fshatit Qerret i vjetër, ndërsa më pas ka përfunduar në kanal.

Nga përplasja kanë mbetur të plagosur rëndë nën kujdesin e mjekëve dy persona banorë të zonës.

Aksident në Fier, plagoset drejtuesi i motoçikletës pasi u përplas me makinën

Një aksident ka ndodhur në vendin e quajtur Kryqëzimi i Gracallisë në qytetin e Fierit.

Drejtuesi i një motoçiklete është përplasur me një mjet dhe si pasojë ka humbur kontrollin, nga ku ka mbetur i lënduar.

Drejtuesi i motoçikletës është dërguar me ambulancë në spital për të marrë ndihmën e parë, ndërsa policia ndodhet në vendngjarje për të hetuar shkaqet e aksidentit.

Makina përfundoi në trotuar në Tiranë, arrestohet shoferi! 22-vjeçari ishte nën efektin e lëndëve narkotike

Ardit Kambo, 22 vjeç, shoferi i cili shkaktoi aksidentin e frikshëm mbrëmjen e 1 janarit në Tiranë, pranë kryqëzimit te ura e rrugës së Elbasanit, është arrestuar nga policia, pasi ka rezultuar se drejtonte mjetin nën efektin e lëndëve narkotike.

Pas aksidentit 22-vjeçari iu nënshtrua testit të alkooli me aparatin Drager nga ku ka rezultuar se nuk ka konsumuar pije alkoolike. Por më pas ai u shoqëruar në polici ku iu bë testi me aparatin ‘Aquila Scan’, dhe ka rezultuar nën ndikimin e lëndëve narkotike.

Ardit Kambo cili drejtonte një makinë ‘Mercedes Benz’, rreth orës 19:30 të 1 janarit, humbi kontrollin duke hipur mbi trotuar dhe më pas duke u përplasur me kangjellat e rrugës dhe pemëve e duke kaluar në krahun tjetër të rrugës nga zhvendosja e kangjellave. Fatmirësisht në momentin e aksidentit nuk kishte këmbësor, duke shmangur kështu një tragjedi.

Ndaj drejtuesi të mjetit shtetasi Ardit Kambo është marrë masa administrative gjobë në shumën e 82.000 (tetëdhjetë e dy) mijë lekëve. Mbi 22-vjeçarin rëndon vepra penale “Drejtimi i mjetit në mënyrë të parregullt”.