EMRI/ Aksidenti në aksin Korçë-Bilisht, humb jetën një prej të plagosurve

Nga përplasja e fortë e dy automjeteve kanë mbetur të plagosur edhe 7 persona të tjerë, 5 prej tyre pasagjerë dhe dy shoferët e mjetit Ford  dhe Benzit.

Të plagosurit u transportuan për në spitalin e Korcës ku po marrin trajtim mjekësor.

Të dy automjetet janë shkatërruar plotësisht. Ende nuk dihet shkaku i këtij aksidenti të rëndë në aksin Bilisht Korcë.

“Është një grua rreth 50 vjeç, që ishte pasagjere në një nga automjetet, e cila ka humbur jetën si pasojë e plagëve të marra. Automjeti tip “Benz” ka tentuar të parakalojë, ka qenë fatale përplasja kokë më kokë për 50-vjeçaren, Miranda Melolli, e cila ka humbur jetën në spitalin e Korçës. Mendohet që parakalimi i gabuar ka qenë shkaku i aksidentit. Në momentin që ndodhi aksidenti, ka pasur edhe rebeshe të mëdha shiu, pikërisht në këtë segment rrugor. Fushëpamja ka qenë e kufizuar”, raportoi gazetari i ABC News, Roland Beqiraj.

Aksident në aksin Korçë-Bilisht/ Dy mjete përplasen ‘kokë më kokë’, 3 të plagosur

Një aksident i rëndë automobilistik është regjistruar pasditen e kësaj të hëne në aksin nacional Korçë-Bilisht, në afërsi të fshatit Cangonj.

Nga raportimet paraprake, mësohet se një mjet tip “Benz” është përplasur ‘kokë më kokë’ me një mjet tip “Volkswagen”, çk  ka sjellë përmbysjen e këtij të fundit në anë të rrugës.

Tre të plagosur janë transportuar drejt spitalit të Korçës, teksa ende nuk dihet gjendja e tyre shëndetësore.

Ndërkohë që ka edhe dëme të shumta materiale pasi përplasja ka qenë shumë e fortë. Policia ndodhet në vendngjarje po punon për zbardhjen e shkaqeve të aksidentit.

Makina del nga rruga, një i plagosur në Lezhë

Një aksident rrugor ka ndodhur këtë të hënë në Lezhë.

Gazetari Gjergj Figuri raporton për ABC News se aksidenti ka ndodhur në zonën malorë të Ungrejit në Lezhë, ku një makinë tip fuoristradë ka dalë nga rruga.

Si pasojë e aksidentit është plagosur shoferi i makinës.

Ndërkohë në vendin e ngjarjes ndodhet policia e cila po punon për zbardhjen e plotë të saj.

Humb kontrollin e makinës dhe del nga rruga, ndërron jetë 28-vjeçari në Shkodër

Mbrëmjen e djeshme, në vendin e quajtur “Muri i kalasë”, në lagjen “Liria”, ka ndodhur një aksident i rëndë.

Mësohet se një 28-vjeçar, banues në lagjen “Liria”, duke drejtuar automjetin tip “Dayang”, ka humbur kontrollin mbi drejtimin e automjetit dhe për pasojë automjeti ka dalë nga rruga.

Për shkak të dëmtimeve të marra nga ky aksident, 28-vjeçari ka humbur jetën.