Era e fortë në juglindje/ Rimorkio shkëputet nga kamioni dhe bllokon rrugën Korçë-Bilisht
Një aksident ka ndodhur pasditen e sotme në afërsi të fshatit Belorta në rrugën nacionale Korçë-Bilisht. Sipas informacioneve rimorkio e një kamioni është shkëputur nga era e fortë dhe ka goditur një mjet tjetër në rrugë.
Fatmirësisht nga aksidenti nuk ka të lënduar në njerëz por vetëm dëme materiale ndërsa mësohet se nga ana e policisë po ndërhyhet për normalizimin e situatës.
Drejt vendngjarjes kanë shkuar edhe forcat zjarrfikëse, për të bërë të mundur heqjen e rimorkios nga rruga.
Lajmet përkatëse
