Aksident në aksin Korçë-Bilisht, një person konfirmohet i vdekur

Sipas policisë një person ka humbur jetën dhe pesë të tjerë kanë mbetur të plagosur. Shtetasi Elvis Mizaku ka ndërruar jetë gjatë transportimit për në spital.

Sipas informacioneve pesë persona të tjerë raportohet se kanë mbetur të plagosur.

Siç shihet edhe nga pamjet, përplasja ka qenë e forta, ndërsa automjetet janë të shkatërruara, njëra prej makinave ka përfunduar në anë të rrugës.

Aksidenti në Librazhd, një viktimë dhe tre të plagosur

Një aksident me pasojë vdekjen është regjistruar në aksin Librazhd-Qafë Thanë, në vendin e quajtur “Mbikalimi i Trenit” në Dragostunje.

Automjeti që drejtohej nga shtetasi M. Z., 21 vjeç, ka dalë nga rruga.

Për pasojë ka humbur jetën në vendngjarje pasagjeri që udhëtonte në këtë automjet shtetasi D. B., 18 vjeç, si edhe kanë mbetur të dëmtuar drejtuesi i automjetit dhe 2 pasagjerë të tjerë, të cilët janë transportuar për ndihmë mjekësore në spital për momentin jashtë rrezikut për jetën.

Grupi hetimor në vendngjarje po punon për zbardhjen e plotë të shkakut të aksidentit.

Tre aksidente në pak orë në Fier! Makina del nga rruga dhe përfundon në kanal, plagoset shoferi 

Një tjetër aksident u shënua mbrëmjen e sotme në Fier, duke e çuar në 3 numrin e përplasjeve të automjeteve në pak orë. 

Paraprakisht bëhet e ditur se një automjet ka humbur kontrollin dhe ka rënë në një kanal anës rrugës në aksin Fier- Seman në vendin e quajtur Ura e Bacinozit. 

Nga aksidenti ka ngelur i plagosur drejtuesi i mjetit që është shoqëruar për në spitalin rajonal të Fierit. 

Në vendngjarje ka mbërritur policia për zbardhjen e shkaqeve të aksidentit.

Makina përplas 4 persona në Tiranë, 3 prej tyre përfundojnë në spital 

Një aksident është regjistruar mbrëmjen e së shtunës në zonën e “5 Majit” në kryeqytet. 

Mësohet se një automjet tip “Golf 5” ka humbur kontrollin dhe fillimisht është përplasur me një karrotrec të parkuar anash rrugës. 

Më pas, ka përplasur 4 djem të rinj që ishin në cep të rrugës. Tre prej tyre kanë përfunduar në spital pasi kanë pasur dëmtime të lehta. 

Ndërkohë në vendngjarje kanë shkuar forcat e policisë dhe po vijojnë me hetimet për shkaqet e aksidentit ku paraprakisht dyshohet se ka qenë me shpejtësi të lartë.