Detaje nga aksidenti me vdekje në “Astir”, shoferi nuk ishte nën efektin e alkoolit, identifikohet viktima

Ndërkohë drejtuesi i mjetit 30-vjeçari P.M., i arrestuar tashmë nga policia, ka rezultuar se nuk ka qenë nën efektin e alkoolit apo lëndëve narkotike pas testit të bërë nga shërbimet e policisë rrugorë.

Ndërsa viktima i identifikuar, është 67-vjeçari P.G.

Përplasi për vdekje të riun në Astir, arrestohet shoferi 30-vjeçar

Policia e Tiranës ka arrestuar drejtuesin e automjetit që shkaktoi aksidentin me vdekjen e të riut në autostradën në zonën e Astirit.

Burime zyrtare nga policia bënë me dije se është arrestuar shtetasi P. M. (M)., 30 vjeç, banues në Durrës, pasi duke drejtuar automjetin, në rrugën “Teodor Keko”, ka aksidentuar me pasojë vdekjen, një shtetas ende të paidentifikuar.

Sipas policisë, viktima është ende i paidentifikuar, teksa nga pamjet shihet se është relativisht i ri.

Siç shihet makina e drejtuar nga shtetasi P.M. ka marrë para dhe e ka “fluturuar” disa metra larg viktimën që po kalonte rrugën në një vend pa rrugë për këmbësorët.

Ky aks sipas qytetarëve është tepër problematik për banorët pasi nga Dogana deri te zona e njohur “Rrethi Astirit” nuk ka mbikalime.

Aksident në aksin Bilisht-Kapshticë, përplasen dy mjete, dy të plagosura

Një aksident ka ndodhur sot rreth orës 16:50, në aksin rrugor Bilisht-Kapshticë, automjeti tip “Ford” me drejtues shtetasin R. L., është përplasur me automjetin tip “Toyota”, me drejtues shtetasin L. B.

Për pasojë janë dëmtuar shtetaset L. B., rreth 60 vjeçe dhe B. Xh., 27 vjeç, banuese në Tiranë, pasagjere në automjetin tip “Toyota”, të cilat u dërguan në spital ku ndodhen jashtë rrezikut për jetën.

Me drejtuesit e mjeteve po kryhen veprimet e mëtejshme procedurale. Grupi hetimor po punon për përcaktimin e shkaqeve të aksidentit.

“Po flisnim në telefon, kur linja u shkëput”- Makina e kthyer përmbys në përrua, pamjet nga aksidenti ku vdiqën çifti i bashkëshortëve! Dëshmia e familjarëve

Një çift bashkëshortësh nga Devolli humbën jetën në një aksident rrugor në aksin “Librazhd-Prrenjas”.

Viktimat janë Arjan dhe Majlinda Yze, të moshës 55 dhe 50 vjeçe. Makina tip “Volkswagen” me të cilën ata po lëviznin doli nga rruga dhe përfundoi në përroin e Lengajcës.

Si pasojë mjeti u përmbys ndërsa çifti I bashkëshortëve e pati të pamundur të dilte jashtë në kohë. Për nxjerrjen e trupave nga automjeti u desh ndërhyrja e forcave zjarrfikëse.

Ende nuk dihet shkaku i aksidentit, ndërsa sipas dëshmisë së familjarëve, ata ishin duke folur në telefon por rreth orës 20:00 të së dielës linja e shkëput. Kjo gjë bëri që të afërmit të njoftonin policinë dhe të kërkonin përgjatë segmentit rrugor që lidh fshatin e Pishkashit me Përrenjasin. Por mjeti u gjet vetëm gjatë orëve të para të mëngjesit të kësaj të hëne në vendin e quajtur “Qershitë”.

Dyshimet paraprake janë se 55-vjeçarin Arjan Yze mund ta ketë zënë gjumi në momentin që drejtonte mjetin por nuk përjashtohet as mundësia që mund të ketë shfaqur probleme shëndetësore.

Përgjaken rrugët e vendit/ Aksident me dy viktima në Librazhd

Raportohet se drejtuesi i mjetit, 55 vjeçari me iniciale A. Y., ka humbur kontrollin e makinës dhe ka dalë nga rruga duke përfunduar në përroin e Lengajcës.

Si pasojë e aksidentit, shoferi dhe bashkëshortja e tij, 50 vjeçarja me iniciale M. Y., kanë humbur jetën.

Zjarrfikëset dhe policia po vijojnë punën për nxjerrjen e trupave të çiftit të bashkëshortëve nga makina tip “Volkswagen”.

Njoftimi i plotë:

Librazhd/Informacion paraprak

Rreth orës 07:45, në aksin rrugor “Librazhd-Prrenjas”, shtetasi A. Y., rreth 55 vjeç, banues në Devoll, duke drejtuar automjetin tip “Volkswagen”, ka humbur kontrollin mbi drejtimin e automjetit dhe për pasojë automjeti ka dalë nga rruga dhe ka rënë në përroin e Lengajcës.

Nga ky aksident kanë humbur jetën shtetasi A. Y. dhe bashkëshortja e tij, shtetasja M. Y., rreth 50 vjeçe, e cila ishte pasagjere në këtë automjet.

Shërbimet e Policisë dhe ato të Zjarrfikëses ndodhen në vendin e ngjarjes dhe vijojnë punën për nxjerrjen e trupave të të 2 shtetasve që ndodheshin në automjet.

Grupi hetimor vijon punën për zbardhjen e plotë të rrethanave të këtij aksidenti.