Aksident në Librazhd, makina bie në përrua, humb jetën çifti i bashkëshortëve

Policia bën me dije se 55-vjeçari me inicialet A. Y., duke drejtuar automjetin tip “Volkswagen”, ka humbur kontrollin mbi drejtimin e automjetit dhe ka rënë në përroin e Lengajcës. Si pasojë e aksidentit kanë humbur jetën drejtuesi i mjetit dhe bashkëshortja e tij, shtetasja M. Y., rreth 50 vjeçe, e cila ishte pasagjere në këtë automjet.

“Rreth orës 07:45, në aksin rrugor “Librazhd-Prrenjas”, shtetasi A. Y., rreth 55 vjeç, banues në Devoll, duke drejtuar automjetin tip “Volksëagen”, ka humbur kontrollin mbi drejtimin e automjetit dhe për pasojë automjeti ka dalë nga rruga dhe ka rënë në përroin e Lengajcës. Nga ky aksident kanë humbur jetën shtetasi A. Y. dhe bashkëshortja e tij, shtetasja M. Y., rreth 50 vjeçe, e cila ishte pasagjere në këtë automjet”-njofton policia.

Efektivët e Policisë dhe ato të Zjarrfikëses ndodhen në vendin e ngjarjes dhe vijojnë punën për nxjerrjen e trupave të çiftit të bashkëshortëve që ndodheshin në automjet.

Grupi hetimor vijon punën për zbardhjen e plotë të rrethanave të këtij aksidenti.

U përplas nga makina, ndërron jetë këmbësori në Tiranë

Një aksident me pasojë vdekjen e një qytetari ka ndodhur këtë pasdite në kryeqytet.

Ngjarja ka ndodhur në zonën e Unazës së Re, ku një këmbësor ende i paidentifikuar është përplasur nga një uatomjet dhe ka humbur jetën.

Njoftimi i policisë:

Tiranë/ Informacion paraprak

Më datë 02.04.2023 rreth orës 19:20, në Unazë të Re, shtetasi P. M., duke drejtuar automjetin e tij ka aksidentuar një shtetas, ende të paidentifikuar, i cili si pasojë e aksidentit ka ndërruar jetë në vendngjarje.

Grupi hetimor ndodhet në vendngjarje dhe po punon për identifikimin e viktimës dhe sqarimin e rrethanave te aksidentit.