Bënë gara shpejtësie gjatë natës dhe përplasën disa automjete të parkuara, e pësojnë keq tre shoferët në Durrës

Së fundmi, tre të rinj kanë organizuar gjatë natës një gare shpejtësie, në një vend parkim automjetesh dhe në disa lagje të qytetit të Durrësit, duke rrezikuar kështu jetën e tyre dhe dëmtimin e automjeteve të tjera të parkuara në vendin ku u bë gara, si dhe prishën qetësinë publike për banorët e zonës.

Kanë qenë Shërbimet e Forcës së Posaçme “Shqiponja”, të cilat kanë ndërhyrë menjëherë dhe kanë ndaluar 3 shoferët me iniciale O. Sh, E. D. dhe I. N.

Tre të arrestuarit janë ndëshkuar me gjoba nga 40 mijë deri në 110 mijë lekë, pasi përveç garës, të rinjtë u kapën në mungesë të dokumentacioneve, për pajisjen e këtyre automjeteve me xhama të errët.

Shërbimet e Policisë Rrugore të Durrësit vijojnë monitorimin e çdo aksi rrugor të qarkut, me pajisje logjistike dhe me patrulla të paloguara.

Aksident në Librazhd, shoferi humb kontrollin e mjetit dhe përplaset me bordurën e rrugës

Një aksident është raportuar në aksin Librazhd-Elbasan, në vendin e quajtur “Kthesa e Murrashit”.

Shoferi ka humbur kontrollin e mjetit, dhe për pasojë makina me targa të Maqedonisë së Veriut është përplasur me bordurën mbrojtëse të rrugës dhe është përmbysur.

Në vendin e ngjarjes ka mbërritur policia dhe zjarrfikës, ndërsa aktualisht nuk raportohet për të lënduar.

Përplasi për vdekje punonjësin e pastrimit, arrestohet i riu

Një i ri ka rënë në pranga, pasi aksidentoi dje për vdekje një punonjës pastrimi në rrugën Tiranë-Durrës.

Burime zyrtare nga policia bënë me dije se i riu me inicialet A.Y., banues në Këlcyrë përplasi me makinë 51-vjeçarin me inicialet Sh. A.

Njoftimi i policisë:

Specialistët e Qarkullimit Rrugor të DVP Durrës arrestuan në flagrancë shtetasin A. Y., 29 vjeç, banues në Këlcyrë, Përmet, pasi automjeti që drejtohej nga 29-vjeçari, ditën e djeshme, përplasi në autostradën “Tiranë-Durrës”, shtetasin Sh. A., 51 vjeç, banues në Tiranë (punonjës për pastrimin e rrugëve).

Për shkak të dëmtimeve të marra, 51-vjeçari ka humbur jetën ditën e sotme, në spital. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.