Raportohet për dëme të shumta materiale në të dy mjetet e përfshira në aksident.
Makina përplas për vdekje kalimtaren në rrugën dytësore Tiranë – Durrës, shoqërohet shoferi
Një aksidenti i rëndë raportohet të ketë ndodhur pak minuta më parë në rrugën dytësore Tiranë – Durrës.
Mësohet se një makinë ka goditur një kalimtare, i cili për pasojë ka ndërruar jetë.
Gazetarja e ABC NeWs, Xhensila Kondra bën me dije se policia ka shoqëruar drejtuesin e mjetit.
Përmbyset makina në aksin Laç-Milot, dy të plagosur
Një aksident i rëndë është shënuar mbrëmjen e sotme në aksin rrugor Laç-Milot në afërsi të fshatit Shullaz. Një automjet tip Sharon është përmbysur në rrugë dhe për pasojë kanë mbetur të plagosur dy persona. Ata janë dërguar menjëherë në spitalin e Traumës në Tiranë, ku po marrin ndihmë mjekësore.
Paraprakisht dyshohet se shkak i aksidentit ka qenë lagështira. Ndërkohë që grupi hetimor po punon për të përcaktuar shkaqet e plota të aksidentit.
Aksident në Korçë, dy të lënduar
Një aksident është shënuar mbrëmjen e sotme në Korçë ku dy makina tip Benz janë përplasur me njëra-tjetrën. Për pasojë kanë mbetur të lënduar shoferi dhe pasagjeri që ndodheshin në njërën nga automjetet. Policia njofton se ata ndodhen në spitalin e Korçës jashtë rrezikut për jetën.
Njoftimi i policisë:
Më datë 01.03.2023, rreth orës 20:30, në lagjen nr. 17, në unazën e qytetit, janë përplasur automjeti tip “Benz” me drejtues shtetasin O. R., me automjetin tip “Benz” me drejtues shtetasin Dh. N.
Për pasojë është dëmtuar drejtuesi Dh. N. dhe pasagjeri që udhëtonte në automjetin e tij, të cilët ndodhen në spitalin e Korçës, aktualisht jashtë rrezikut për jetën.
Po kryen veprimet procedurale dhe po punohet për sqarimin e rrethanave të aksidentit
