Shkaktuan dy aksidente, shpallen në kërkim dy “aventurierët” në Pogradec

Dy persona, të cilët po lëviznin me një mjet tip “Hummer” kanë përplasur qëllimisht një makinë tjetër, në pronësi të 39-vjeçarit me iniciale E.Ç.

Policia thotë se pas përplasjes së mjetit, dy të shpallurit në kërkim kanë kanosur pronarin dhe më pas janë larguar.

Në tentativë për të ikur nga vendi i ngjarjes, ata kanë marrë para një makinë tjetër, ndërsa pas kësaj autorët  kanë braktisur automjetin dhe janë larguar në këmbë.

Njoftimi i policisë: 

Përplasën qëllimisht me automjet, automjetin e një 39-vjeçari, më pas e kanosën 39-vjeçarin dhe i dëmtuan me sende të forta, automjetin, identifikohen dhe shpallen në kërkim 2 autorët e dyshuar.

Shërbimet e Komisariatit të Policisë Pogradec, menjëherë pas kallëzimit të marrë nga shtetasi E. Ç. se rreth orës 08:00 të mëngjesit të sotëm, në aksin rrugor “Korçë-Pogradec”, pranë vendit të quajtur Qafë Plloçë, 2 shtetas e kishin kanosur dhe i kishin dëmtuar me sende të forta, automjetin, kanë organizuar punën me qëllim zbardhjen e plotë të rrethanave të këtij rasti.

Nga veprimet e shpejta hetimore, janë identifikuar dhe janë shpallur në kërkim 2 autorët e dyshuar, shtetasit M. Xh., 30 vjeç dhe S. S., 28 vjeç, të banues në Pogradec, të cilët dyshohet se për motive të dobëta, kanë përplasur qëllimisht, me automjetin tip “Hummer” me të cilin qarkullonin, automjetin e shtetasit E. Ç., 39 vjeç, banues në Pogradec.

Gjithashtu, dyshohet se pas përplasjes, të dy shtetasit kanë dalë nga automjeti, kanë kanosur shtetasin E. Ç., i kanë dëmtuar atij, me sende të forta, automjetin dhe janë larguar me shpejtësi, nga vendngjarja. Gjatë largimit, për shkak të shpejtësisë, automjeti tip “Hummer” është përplasur me një automjet tjetër, me pasojë vetëm dëme materiale. Më pas shtetasit M. Xh. dhe S. S. kanë braktisur automjetin dhe janë larguar nga vendi i ngjarjes. Vijon puna për kapjen dhe nxjerrjen e këtyre shtetasve përpara përgjegjësisë penale.

Shërbimet e Komisariatit të Policisë Pogradec, në drejtimin e Prokurorisë, vijojnë hetimet e thelluara, kryerjen e veprimeve procedurale dhe fiksimin e të gjitha provave, me qëllim zbardhjen dhe dokumentimin e plotë ligjor të rrethanave të këtij rasti. Materialet procedurale i kaluan Prokurorisë pranë Gjykatës së Rrethit Gjyqësor Pogradec, për veprime të mëtejshme.

Aksident në Librazhd, raportohet për të plagosur

LIBRAZHD- Një aksident rrugor ka ndodhur në aksin Librazhd-Prrenjas, në afërsi të fshatit Pishkash. Abc News mëson se në aksident është përfshirë një makinë me një trajler.

Nga të dhënat paraprake dyshohet për një një persona të plagosur, ndërsa nuk dihet ende gjendja e tij shëndetësore.

Policia dhe ambulanca kanë mbërritur në vendin e ngjarjes dhe kanë nisur hetimin për zbardhjen e rrethanave.

Si pasojë e aksidentit është bllokuar qarkullimi duke krijuar një autokolonë të gjatë mjetesh, të cilat presin të kalojnë.

Tiranë/ Përplasën automjetet, babë e bir bëjnë për spital 32 vjeçarin

Një aksident është raportuar pasditen e sotme në Tiranë ku dy makina janë përplasur me njëra-tjetrën. Pas kësaj ngjarjeje, babë e bir që ndodheshin në njërin nga mjetet janë konfliktuar me grushte me një 32 vjeçar që drejtonte mjetin tjetër, i cili ka marrë dëmtime dhe ndodhet në spital.

Njoftimi i policisë:

Me datë 18.04.2023, rreth orës 16:10, në Laprakë, në afërsi të shkollës “Aleks Buda”, janë përplasur dy automjete (dëme materiale) dhe si pasojë janë konfliktuar dhe kanë goditur njëri-tjetrin me grushte, drejtuesit e automjeteve, shtetasi A. R., 32 vjeç, me shtetasit Xh. B., dhe A. B. (babë e bir).

Si pasojë e konfliktit shtetasi A. R., është dëmtuar dhe ndodhet në spital, për ndihmë mjekësore.

Grupi hetimor po punon për sqarimin e rrethanave të ngjarjes.