Sakaq, bëhet e ditur se një makinë ka dalë nga rrugë dhe për pasojë katër persona, që ishin pasagjerë në të kanë mbetur të plagosur. Grupi hetimor ka nisur hetimet për të përcaktuar shkaqet e kësaj ngjarjeje të rëndë. Të plagosurit janë dërguar në spital dhe sipas mjekëve ndodhen jashtë rrezikut për jetën.
Njoftimi i Policisë:
Mesditën e sotme, në dalje të fshatit Vërdovë, Pogradec, shtetasi G. Gj., 42 vjeç, duke drejtuar automjetin tip “Honda”, dyshohet se ka humbur kontrollin mbi drejtimin e automjetit dhe automjeti ka dalë nga rruga. Për pasojë janë dëmtuar 4 pasagjerë që udhëtonin në këtë automjet, të cilët u transportuan në spitalin e Pogradecit dhe ndodhen jashtë rrezikut për jetën. Me drejtuesin e automjetit G. Gj., po kryhen veprimet procedurale. Grupi hetimor po punon për përcaktimin e shkaqeve të daljes nga rruga
Autobusi me nxënës përplaset me një makinë në Librazhd, vetëm dëme materiale
Një aksident rrugor është regjistruar sot në vendin e quajtur “Kthesa e Mimojës” në Librazh.
Sic shihet edhe pamjet e siguruara nga ABC News, një autobus me pasagjerë është përplasur me një makinë tip benz.
Mësohet se në autobus udhëtonin nxënës nga Librazhdi e Prrenjasi, që do shkonin në ekskursion për Gjirokastër.
Fatmirësisht nga aksidenti nuk ka persona të plagosur, sakaq dyshohet se shkak i përplasjes të jetë bërë lagështia në rrugë.
Përplasi me makinë biçikletën, drejtuesi përfundon në spital, procedohet shoferi në Divjakë
Një aksident rrugor ka ndodhur ditën e djeshme në Divjakë, ku një 31-vjeçar ka përplasur me makinën e tij një biçikletë. Si pasojë, drejtuesi i saj ka përfunduar në spital ku ndodhet nën kujdesin e mjekëve. Sot, policia ka nisur procedimin në gjendje të lirë për 31-vjeçarin.
“Specialistët e Sektorit të Qarkullimit Rrugor të DVP Fier referuan materialet në Prokurori dhe nisi procedimi në gjendje të lirë për shtetasin E. Xh., 31 vjeç, banues në Lushnjë, pasi ditën e djeshme, në Zharrnec, duke drejtuar automjetin, ka përplasur biçikletën me drejtues shtetasin T. S., 63 vjeç, dhe për pasojë, 63-vjeçari ndodhet në spital, në kujdesin e mjekëve“, thuhet në njoftimin e Policisë.
Ndërkohë, materialet i kaluan Prokurorisë, për veprime të mëtejshme procedurale.
Përplasen makinat në Durrës, niset drejt spitalit një nga drejtuesit e mjeteve
Një aksident ka ndodhur në Durrës ku një makinë ka përplasur një automjet tjetër,
Për pasojë është lënduar një nga drejtuesit e mjeteve.
Bëhet fjalë për shtetasin G.M 26 vjeç, i cili ka përplasur makinën e shtetasit A.C, ky i fundit ndodhet nën kujdesin e mjekëve.
Policia dhe grupi hetimor ndodhet në vendngjarje për të zbardhur detajet e aksidentit.
Njoftim policie:
Rreth orës 22:30, në lagjen nr.16 Durrës, një automjet me drejtues shtetasin G. M., 26 vjeç, ka përplasur automjetin me drejtues shtetasin A. C, i cili ndodhet nën kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të aksidentit.
Lajmet përkatëse
