Aksident në dalje të Elbasanit/ Makina përplaset me furgonin e pasagjerëve dhe përfshihet nga flakët

Sipas informacioneve paraprake, përplasja mes dy mjeteve ka qenë e fortë. Menjëherë pas aksidentit, automjeti ka shpërthyer në flakë, duke shkaktuar momente paniku për drejtuesit dhe personat që ndodheshin pranë vendit të ngjarjes.

Fatmirësisht, nuk raportohet për persona të lënduar në asnjërin prej mjeteve, ndërsa dëmet materiale janë të konsiderueshme.

Në vendngjarje kanë mbërritur shërbimet e policisë dhe grupi hetimor, të cilët po punojnë për të zbardhur rrethanat dhe shkaqet e aksidentit.

Aksident me vdekje në Divjakë

Një aksident me pasojë vdekjen është regjistruar në fshatin Cermë - Proshkë të Divjakës.

Sipas informacioneve paraprake, një grua rreth 71 vjeçe, Ike Dervishi është përplasur nga një motor teksa po kalonte në rrugë. Si pasojë e plagëve të marra, ajo është transportuar me urgjencë në spital, por nuk ka mundur t’u mbijetojë dëmtimeve dhe ka ndërruar jetë.

Në vendngjarje kanë mbërritur shërbimet e Policisë, të cilat po kryejnë veprimet hetimore për zbardhjen e plotë të rrethanave të aksidentit.

Ndërkohë, drejtuesi i motorit, një i ri rreth 24 vjeç, Leandro Xhillari është shoqëruar në komisariat për veprime të mëtejshme procedurale.

– Informacion paraprak

Rreth orës 09:00, në aksin rrugor “Çermë Proshkë - Divjakë ”, shtetasi 24 vjeç, duke drejtuar një motomjet pa leje drejtimi, ka përplasur këmbësoren  71 vjeçe, e cila si pasojë e përplasjes ka humbur jetën.

Shërbimet e Policisë kanë shoqëruar drejtuesin e motomjetit, në Komisariat për kryerjen e veprimeve të mëtejshme procedurale.

Grupi hetimor ndodhet në vendngjarje dhe po punon për sqarimin e plotë të rrethanave të aksidentit.