Aksidentoi për vdekje kalimtarin, më pas iku e fshehu makinën/ Arrestohet 34 vjeçari në Durrës

“Specialistët e Sektorit të Policisë Rrugore në DVP Durrës, në vijim të veprimeve hetimore për zbardhjen e rrethanave të aksidentit me pasojë vdekjen, të ndodhur më datë 25.08.2023, kanë identifikuar, kapur dhe arrestuar autorin e dyshuar, shtetasin F. K., 34 vjeç, banues në Shijak.

Nga veprimet hetimore ka rezultuar se ky shtetas, duke drejtuar automjetin, ka aksidentuar me pasojë vdekjen shtetasin J. M., banues në Sukth, këmbësor, është larguar nga vendi i aksidentit dhe e ka fshehur automjetin në Shijak.”, thuhet në njoftimin e policisë.

Traktori përmbyset dhe e zë poshtë teksa ishte duke punuar tokën, humb jetën 45-vjeçari në Dimal

Një ngjarje e rëndë ka ndodhur mbrëmjen e sotme në fshatin Sheq, Dimal.

Mësohet se një 4 -vjeçar teksa ka qenë duke punuar tokën me traktor, aksidentalisht mjeti bujqësor është përmbysur dhe e ka zënë poshtë.

Për pasojë 45-vjeçari ka humbur  jetën.

Njoftimi i policisë:

Berat/Informacion paraprak

Rreth orës 18:40, shtetasi, 45 vjeç, në fshatin Sheq, Dimal, duke punuar tokën me mjet buqësor (traktor), dyshohet se aksidentalisht mjeti buqësor është përmbysur dhe e ka zënë poshtë. Për pasojë 45-vjeçari ka humbur jetën.

Grupi hetimor po punon për zbardhjen e rrethanave të ngjarjes.

Drejtonin motomjetet pa patenta, arrestohen 5 shoferë në Elbasan

Pesë shoferë kanë rënë në prangat e Policisë së Elbasanit, pasi janë kapur teksa drejtonin motomjetet e tyre pa patenta. Si pasojë, Policia Rrugore e Elbasanit u ka bërë apel për të gjithë drejtuesit që të zbatojnë në mënyrë rigoroze rregullat e qarkullimit rrugor.

Njoftimi i Policisë:

Elbasan/Policia Rrugore vijon kontrollet e dedikuara për evidentimin dhe ndëshkimin e shkelësve të rregullave të qarkullimit, që janë rrezik potencial për përfshirje në ngjarje rrugore.

Si rezultat i kontrolleve, gjatë 24 orëve të fundit, në të gjithë qarkun, Policia Rrugore e Elbasanit ka evidentuar 5 raste të drejtimit të motomjeteve, pa leje drejtimi. Për këto raste, janë vënë në pranga 5 shtetasit që u kapën duke drejtuar motomjetin, pa leje drejtimi, konkretisht:

• Xh., 56 vjeç, banues në Elbasan,
• A. M., 38 vjeç, banues në fshatin Papër,
• E. Sh., 20 vjeç, banues në fshatin Godolesh,
• B. Ç., 57 vjeç, banues në fshatin Muriqan dhe
• I. B., 62 vjeç, banues në Cërrik.

Policia Rrugore e Elbasanit apelon për të gjithë përdoruesit e rrugës që të zbatojnë në mënyrë rigoroze rregullat e qarkullimit rrugor dhe fton qytetarët që të denoncojnë në numrin pa pagesë 112, çdo rast të shkeljes së rregullave të qarkullimit rrugor.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprën penale “Drejtimi i automjeteve në mënyrë të parregullt”.

Bënte manovra të rrezikshme me automjet, e pëson keq “piloti”

Polica Rrugore e Tiranës ka ndëshkuar drejtuesin e automjetit i cili bënte manovra të rrezimshme në automjet.

Ndaj drejtuesit është vëndosur masë administrative me 40 000 lekë.

Njoftimi i policisë:

Tiranë

U konstatua duke bërë manovra të rrezikshme me automjet, ndëshkohet me masë administrative 40 000 lekë drejtuesi.

Policia Rrugore e Tiranës, pas denoncimit në rrjete sociale, për një drejtues automjeti që kryente manovra, kanë ushtruar kontrolle dhe kanë ndaluar automjetin që shfaqej në video.

Ndaj drejtuesit të automjetit u vendos masa administrative 40 000 lekë të rinj, sipas paragrafit 3 të nenit 139 të Kodit Rrugor.

Policia Rrugore e Tiranës apelon që drejtuesit e mjeteve të tregojnë kujdes në raport me rregullat e qarkullimit rrugor dhe veçanërisht për të mos ndjekur nga afër dhe shfrytëzuar progresionin e lëvizjes së mjeteve të emergjencave, me sisteme zanore dhe pamore ndezur.