Policia Kufitare kontrolle në vijën bregdetare/ Bllokohen 2 Jet Ski, ndëshkohen drejtuesit e mjeteve

Si rezultat i kontrolleve, janë bllokuar dy Jet Ski, që nuk kishin dokumente. Gjithashtu, janë ndëshkuar edhe drejtuesit e mjeteve lundruese, me një gjobë prej 10 mijë lekë të rinj secili.

“Si rezultat i kontrolleve në Durrës, nga Njësia Policore Detare dhe Policia Kufitare, janë konstatuar 2 mjete lundruese argëtimi Jet Ski. Gjatë verifikimit të dokumentacionit ka rezultuar se asnjëri prej mjeteve lundruese nuk kishte dokumentacion dhe për këtë arsye Policia Kufitare ka bërë bllokimin e të 2 mjeteve lundruese, si dhe ka ndëshkuar me masën administrative 10 000 lekë, secilin nga drejtuesit e tyre.

Policia Kufitare apelon për pronarët dhe për përdoruesit e mjeteve lundruese, që të zbatojnë me korrektesë, kërkesat ligjore për daljen në det, për pajisjen me dokumentacionin përkatës dhe respektimin e zonave të sigurisë së pushuesve në plazhe.

Policia Kufitare dhe Njësia Policore Detare janë të angazhuara maksimalisht për të garantuar sigurinë në plazhe dhe në këtë kuadër, do të intensifikojnë kontrollet dhe monitorimin nga toka dhe në det, të të gjithë vijës bregdetare.

Ftojmë qytetarët që të denoncojnë në numrin pa pagesë 112, çdo rast paligjshmërie, duke iu garantuar anonimat, reagim të shpejtë dhe profesional”, thuhet në njoftimin e policisë.

Përplasi për vdekje këmbësorin, arrestohet 21-vjeçari në Tiranë

Një i ri është arrestuar paraditen e kësaj të diele në Tiranë, pasi ka përplasur për vdekje një këmbësor me makinë.

Ngjarja ka ndodhur pasi ditën e djeshm në rrugën e vjetër Sauk-Teg. Sakaq mësohet se viktima është një 40-vjeçar.

“Arrestohet shtetasi 21 vjeç, banues në Tiranë, pasi ditën e djeshme, në rrugën e vjetër Sauk-Teg, duke drejtuar mjetin tip “Benz”, ka aksidentuar këmbësorin, shtetasin, 40 vjeç, i cili si pasojë e aksidentit ka humbur jetën.”, thuhet në njoftimin e policisë

Përplasen dy automjete në aksin rrugor “Bradashesh-Elbasan”, dy të plagosur

Një aksident ka ndodhur në orët e para të mëngjesit në aksin rrugor “Bradashesh-Elbasan”.

Dy automjete janë përplasur me njëra tjetrën dhe për pasojë dy persona janë plagosur. Të plagosurit janë transportuar në spital, për ndihmë mjekësore.

Grupit hetimor po punon për sqarimin e rrethanave të aksidentit.