Tiranë/ Për një javë mbi 9 mijë gjoba për drejtuesit e mjeteve, ndëshkohen edhe 44 këmbësorë

Janë vendosur 9306 masa administrative, ndërsa në ‘bilancin’ për javën që lamë pas janë gjobitur edhe 44 këmbësorë, të cilët kapërcejnë rrugën nga një anë në tjetrën duke neglizhuar vizat e bardha apo dhe zonat që janë të dedikuara për ta.

• Xhama të zinj: 154 masa
• Shpejtësi mbi normat e lejuara: 513 masa
• Parakalime të gabuara: 284 masa
• Përdorim i celularit gjatë drejtimit të mjetit: 389 masa
• Mos vendosje e rripit të sigurimit: 411 masa
• Mos vendosje e kaskës mbrojtëse: 168 masa
• Mosdhënie përparësie këmbësorëve: 570 masa
• Mosrespektim i tabelës “Stop”: 31 masa
• Sjellja e këmbësoreve në rrugë: 44 masa
• Qëndrim i gabuar: 5,854 masa
• Të ndryshme: 888 masa

Pezullime të lejeve dhe konvertime: 37 masa

• Nën ndikimin e alkoolit: 8 raste
• Kufizimet e shpejtësisë: 21 raste
• Shkelje të tjera rrugore: 6 raste
• Automjete të bllokuara: 8 automjete, për detyrime të pashlyera, mungesë dokumentacioni dhe për verifikime nga Seksioni i Trafiqeve në DVP Tiranë.

Furgoni i pasagjerëve përplaset “kokë më kokë” me një automjet në Bypass-in e Murrizit, bllokohet qarkullimi 

Një aksident i rëndë ka ndodhur në Bypass-in e Murrizit në Rrugën e Arbrit, ku një furgon pasagjerësh është përplasur “kokë më kokë” me një automjet. 

Si pasojë e këtij aksidenti, aksi është bllokuar dhe trafiku ka shkuar rreth  3 kilometra në të dyja kahet, ndërsa nuk ka raportime për persona të lënduar.

Sipas dëshmitarëve në vendngjarje, përplasja ka ndodhur rreth orës 14:30 minuta. 

Ndërkohë pritet një informacion zyrtarë nga policia, e cila po punon për zbardhjen e shkaqeve të aksidentit dhe lehtësimin e trafikut në këtë segment. 

Emrat/Aksidentohet për vdekje këmbësori 20 vjeç në Durrës, policia shoqëron drejtuesin e makinës

Një 20-vjeçar ka humbur jetën si pasojë e një aksidenti në Durrës. Ngjarja është regjistruar në segmentin rrugor Shënavlash-Sektor, ku automjeti me drejtues Ledi Buna 33 vjeç, ka goditur këmbësorin, Dorjan Ndoj, 20 vjeç, i cili ka humbur jetën në spital. 

Policia thotë se ka  shoqëruar në Komisariatin e Policisë Durrës, për veprime të mëtejshme. 

Ndërkohë grupi hetimor ndodhet në vendngjarje dhe po punon për sqarimin e rrethanave dhe shkakut të aksidenti 

“Në segmentin rrugor Shënavlash-Sektor Rina, automjeti me drejtues shtetasin L. B., 33 vjeç, ka goditur këmbësorin, shtetasin D. N., 20 vjeç, i cili ka humbur jetën në spital. 

Drejtuesi i automjetit shtetasi L. B, është shoqëruar në Komisariatin e Policisë Durrës, për veprime të mëtejshme. 

Grupi hetimor ndodhet në vendngjarje dhe po punon për sqarimin e rrethanave dhe shkakut të aksidentit”,-njoftoi policia.