Djegia e autobusëve, zjarri aksidental/ Policia e Durrësit zbardh shkakun: Shkëndijë elektrike në një bateri

Referuar  hetimeve  paraprake policia thotë se dyshon  se zjarri u shkaktua nga një shkëndijë elektrike në baterinë e njërit prej autobuzëve.

Flakët u përhapën më shpejtësi pasi një pjesë e autobuzëve ishin mbushur me goma duke shkaktuar   tym toksik që u përhap  deri pranë qytetit të Durrësit.

Zjarrëfikësit  shkuan në vendngjarje pas njoftimit të disa  qytetarëve duke shuar  zjarrin prej të cilit  mbetën të djegur tetë autobuzë  që ishin në park jashtë përdorimi.

Specialistët për Hetimin e Krimeve të Komisariatit të Policisë Durrës referuan materialet në Prokurori për ngjarje aksidentale.

Aksident në aksin Qafë Plloçë – Pogradec/ Makina përplas një person me biçikletë

Një aksident ka ndodhur në aksin Qafë Plloçë – Pogradec, mjeti përplas një shtetas me biçikletë. I dëmtuari është transportuar drejt spitalit ku po merr ndihmën mjekësore.

Mësohet se i dëmtuari ka qenë edhe nën efektin e alkoolit, çka mund të ketë sjellë edhe aksidentin. Policia në vendngjarje për zbardhjen e plotë të rrethanave.