Aksident tragjik në Fushë-Krujë/ Makina përplas një 19-vjeçar, po ndihmonte një vajzë të shtynte makinën

Referuar të dhënave paraprake, 19-vjeçari Irdi Laçi është përplasur nga një mjet tip fuoristradë teksa po shtynte një ‘Mercedes’ që ishte fikur në mes të rrugës.

Sakaq, shoferi i fuoristradës është arrestuar nga policia ndërsa hetimet po vijojnë për zbardhjen e plotë të rrethanave.

Aksident në aksin Lushnje-Berat/ Makina del nga rruga dhe përfundon në kanal, plagoset çifti i bashkëshortëve

Një çift bashkëshortësh janë plagosur rëndë pasi makina në të cilën ata po udhëtonin doli nga rruga dhe përfundoi në kanal. Ngjarja ka ndodhur rreth orës 10 të kësaj të diele, ku B.N dhe Xh.N, po udhëtonin në aksin Lushnje- Berat.

Dyshohet se shoferi ka hasur në një difekt në sistemin e drejtimit të mjetit, tek timoni, i cili i është bllokuar duke i shkaktuar aksidentin.

Dy aksidente të rënda në Fier/ Në pak orë, një fermer humb jetën, një çift plagoset rëndë

Dy persona humbën jetën ndërsa dy të tjerë u plagosën rëndë në aksidente të ndodhura në vetëm pak orë në vend. Mbrëmjen e së shtunës një 19-vjeçar humbi jetën tragjikisht në Fushë Krujë pasi u përplas nga një fouristradë.

Sipas të dhënave zyrtare nga policia, 19-vjeçari Irdi Laçi është përplasur teksa po ndihmonte një vajzë, makina e së cilës ishte fikur në mes të rrugës. Shoferi i automjetit që shkaktoi aksidentin tragjik është arrestuar me akuzën e shkeljes së rregullave të qarkullimit rrugor.

Mëngjesin e së dielës një tjetër aksident fatal i mori jetën një 62-vjeçari në Libofshë.

Fermeri humbi jetën teksa punonte tokën me një zetor.

Nga hetimet paraprake mendohet se mjeti është përmbysur dhe e ka zënë poshtë  62-vjeçarin i cili për pasojë ka humbur jetën.

Pak orë më vonë, një çift bashkëshortësh u plagosën rëndë pasi makina me të cilën ata po udhëtonin doli nga rruga dhe përfundoi në kanal në aksin Lushnje Berat.

Dyshohet se shoferi ka hasur në një difekt në sistemin e drejtimit të mjetit, i cili i është bllokuar duke shkaktuar aksidentin.

Aksident në Tiranë, një i vdekur dhe një i lënduar

Një aksident i rëndë rrugor ka ndodhur në rrugën e Prushit, ku një automjet me drejtues një 23 vjeç, është përplasur me një motor, që drejtohej nga një 40-vjeçar.

Si pasojë e përplasjes, drejtuesi i motorit ka ndërruar jetë në vendngjarje, ndërsa pasagjerja që udhëtonte me të ka mbetur e plagosur dhe është transportuar në spital për ndihmë mjekësore

Drejtuesi i automjetit është shoqëruar nga Policia.

Grupi hetimor ndodhet në vendngjarje dhe vijon punën për zbardhjen e rrethanave dhe shkaqeve të aksidentit.

Automjeti përplas motoçikletën/ Lushnje, lëndohet rëndë drejtuesi

Një aksident rrugor ka ndodhur në unazën e qytetit të Lushnjes. Një automjet është përplasur me një motor duke shkaktuar lendime të renda te drejtuesi i motorit.

Ai është transportuar drejt spitalit të Lushnjes ku po merr ndihmën mjekësore. Policia rrugore dhe ekspertet janë në vendngjarje.

Nga hetimet parprake dyshohet se aksidenti ka ndodhur si pasojë e prerjes së rrugës nga ana e drejtuesit të automjetit. Ne automjet udhëtonin 6 persona.

Aksident në Lezhë, makina përplaset me motorin.

Një aksident rrugor është regjistruar në lagjen “Skënderbeg” të Lezhës, ku një automjet është përplasur me një motor.

Si pasojë e përplasjes, janë plagosur drejtuesi dhe pasagjeri i motorit. Të dy të dëmtuarit janë dërguar me urgjencë në spital për të marrë ndihmën e nevojshme mjekësore.

Në vendngjarje mbërriti policia, e cila ka nisur hetimet për zbardhjen e shkaqeve dhe rrethanave të aksidentit.