Makina del nga rruga dhe përfundon në një arë në aksin Lushnjë-Berat, 5 të lënduar

Mësohet se si pasojë e aksidentit kanë mbetur të plagosur 5 persona të një familjeje.

Ndërsa raportohet se katër nga të lënduarit janë transportuar në spitalin e Lushnjës, ku po marrin ndihmë mjekësore.

“Rreth orës 18:00, në aksin rrugor “Lushnjë-Berat”, në fshatin Stan Karbunarë, shtetasi D. F., 42 vjeç, duke drejtuar automjetin tip “Toyota”, ka humbur kontrollin mbi drejtimin e automjetit dhe për pasojë automjeti ka dalë nga rruga.

Si pasojë e daljes nga rruga, është dëmtuar drejtuesi i mjetit, shtetasja E. F., 37 vjeçe dhe fëmijët e tyre të mitur, të moshave 14 vjeç, 13 vjeç dhe 7 vjeç, të cilët ndodhen në Spitalin e Lushnjes, në kujdesin e mjekëve.

Grupi hetimor po punon për zbardhjen e rrethanave të aksidentit”, njofton policia.

Tiranë/Përfshihet në flakë BMW-ja në “Unazën e Re”

Një automjet është përfshirë nga flakët e zjarrit në zonën e Unazës së Re në Tiranë pasditen e sotme.

Mësohet se nga zjarri u përfshi makina tip BMW teksa ishte në lëvizje.

Fatmirësisht, shoferi arriti të dilte nga mjeti dhe nga zjarri ka vetëm dëme materiale e asnjë të lënduar.

Nga veprimet paraprake dyshohet se zjarri ka rënë si pasojë e një defekti në automjet.

Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit.

Aksident në aksin Tiranë-Durrës, plagoset një person

Një aksident është regjistruar mbrëmjen e kësaj të mërkure në autostradën Tiranë-Durrës.

Mësohet se një mjet ka përplasur një këmbësor.

Ngjarja ka ndodhur rreth orës 21:15, në autostradën Tiranë-Durrës, në vendin e quajtur “Mbikalimi i serave”.

Aktualisht i lënduari 56-vjeçar është transportuar në spital për ndihmë mjekësore ndërsa ende nuk bëhet me dije shkaku i këtij aksidenti.

Drejtuesi i automjetit, është shoqëruar në DVP Durrës për veprime të mëtejshme.

Grupi hetimor ndodhet në vendngjarje dhe po punon për sqarimin e rrethanave të ngjarjes.