Aksident në Fier-Lushnje, makina del nga rruga dhe përplas dy mjete të parkuara

2 muaj, 1 javë më parë - 25 Nëntor 2024, a2news
Aksident në Fier-Lushnje, makina del nga rruga dhe përplas dy mjete të parkuara
Një automjet tip Opel Astra me targa AA506 IB ka dalë nga rruga dhe është përplasur me dy makina të parkuara.

Përplasja e mjetit tip Opel me dy mjetet e tjera tip Ford dhe Seat ka vetëm dëme materiale.

Në automjet udhëtonin 4 familjarë dhe asnjë prej tyre nuk ka pësuar dëmtime. Ngjarja në autostradën Rrogozhinë Lushnje disa qindra metra para rrethrrotullimit të Plugut.

Policia në vendngjarje për të dokumentuar ngjarjen. Nga të dhënat paraprake mësohet se drejtuesi i mjetit tip Opel ka humbur kontrollin dhe ka dalë nga rruga.

Kjo është një pjesë e autostradës ku shpejtësia e lëvizjes është tepër e lartë dhe pse ka sinjalistikë që të detyron uljen e shpejtësisë. 

Makina del nga rruga në aksin Belsh-Kuçovë, plagosen dy persona

Dy persona kanë mbetur të plagosur si pasojë e një aksidenti të ndodhur pasditen e së premtes në aksin rrugor Belsh-Kuçovë.

Shoferi ka humbur kontrollin me drejtimin e makinës dhe për pasojë automjeti ka përfunduar në kanal. Si pasojë e aksidentit ka mbetur i plagosur drejtuesi i makinës, shtetasi me iniciale H.Xh, 21 vjeç dhe pasagjerja që po udhëtonte më të, shkruan A2.

Dy të plagosurit janë dërguar në spital për të marrë ndihmën e nevojshme mjekësore, ndërsa policia po punon për zbardhjen e shkaqeve të aksidentit.

“Në aksin rrugor "Belsh-Kuçovë", automjeti me drejtues shtetasin H. Xh., 21 vjeç, banues në Tiranë, ka dalë nga rruga. Si pasojë janë dëmtuar drejtuesi i automjetit shtetasi H. Xh., dhe 1 pasagjere që udhëtonte me të, cilët janë në kujdesin e mjekëve.

Grupi hetimor po punon për përcaktimin e shkaqeve të aksidentit”, njofton policia.

Aksident me vdekje në Bulqizë, makina del nga rruga

Një person ka humbur jetën si pasojë e një aksidenti të rëndë rrugor në aksin Ura e Çerenecit – Ostren.

Ngjarja ka ndodhur rreth orës 15:00 kur mjeti i drejtuar nga shtetasi K.B., rreth 63 vjeç ka dalë nga rruga dhe për pasojë ky i fundit ka humbur jetën.

Grupi hetimor po punon për sqarimin e rrethanave të kësaj ngjarjeje.

Support Ukraine