Të dehur në timon, drejtuesit përplasen te Gjiri i Lalëzit, humb jetën pasagjeri

Nga përplasja e dy automjeteve ka humbur jetën një 57-vjeçar, që ishte pasagjer.

Ndërsa dy shoferët dhe një tjetër pasagjer kanë marrë lëndime më të lehta.

“Rreth orës 22:00, në Gjirin e Lalëzit, janë përplasur dy automjete. Si pasojë ka humbur jetën një 57-vjeçar, i cili ndodhej pasagjer në njërin prej automjeteve. Gjithashtu, kanë marrë lëndime drejtuesit e automjeteve dhe një pasagjer. Në vijim të veprimeve procedurale, u arrestuan në flagrancë drejtuesit e të dy automjeteve, të cilët rezultuan se drejtonin automjetet në gjendje të dehur”, njofton policia.

Aksidentohen dy automjete në autostradën Fier–Lushnjë

Dy automjete janë përfshirë në një aksident, që ka ndodhur pak minuta më parë në autostradën Fier–Lushnjë, pranë fshatit Bishqethëm. Një “Golf” dhe një “Opel” janë fërkuar dhe më pas janë përplasur me barrierat anësore.

Fatmirësisht, nuk ka të lënduar, vetëm dëme materiale. Në vendngjarje ka mbërritur policia rrugore, e cila ka dokumentuar rastin dhe ka normalizuar trafikun.

Paraprakisht dyshohet se aksidenti ka ndodhur si pasojë e një parakalimi të gabuar. Shkaqet e plota pritet të përcaktohen nga ekspertiza. 

Aksident në Korçë, furgoni përplas këmbësoren pranë Prefekturës

Aksident me nje te plagosur ne qytetin e Korçes. Ngjarja ka ndodhur në afërsi të Prefekturës, ku një automjet tip furgon ka goditur një këmbësore rreth te 70-tave.

Sipas të dhënave paraprake, e moshuara po tentonte te kalonte nga njeri krah i rruges rrugës ne anen tjeter te saj kur është goditur nga mjeti qe po leviste drejt qendres se qytetit. E dëmtuara është transportuar me urgjencë drejt Spitalit Rajonal të Korçës për të marrë ndihmën mjekësore.

Burime prane spitalit thane se ndodhet jashte rreziku per jeten. Policia po heton per shkaqet e ketij aksident

Aksident i rëndë në aksin Himarë-Borsh, dy të plagosura

Një aksident rrugor është regjistruar në aksin Himarë-Borsh, ku një automjet ka dalë nga kontrolli dhe është përplasur me bordurën anësore të rrugës.

Si pasojë e përplasjes, dy vajza kanë mbetur të plagosura dhe janë transportuar menjëherë drejt spitalit për të marrë ndihmën e nevojshme mjekësore. Gjendja e tyre shëndetësore nuk është bërë ende e ditur, shkruan A2CNN. 

Në vendngjarje kanë mbërritur forcat e Policisë së Shtetit, së bashku me grupin hetimor, të cilët po punojnë për të sqaruar rrethanat dhe shkaqet e aksidentit.