3 aksidente në pak orë, një viktimë dhe disa të plagosur, mes tyre një fëmijë

Në Durrës, një kamion përplasi aksidentalisht një 62-vjeçar nga Kosova duke e lënë të vdekur në vend. 62-vjeçari, drejtues i një kamioni tjetër, po lëvizte në këmbë për të dorëzuar dokumentacionin e mjetit të tij për t'iu nënshtruar kontrollit në skaner, kur është përplasur nga kamioni.

Ndërkohë, në aksin rrugor nacional Pushimi i shoferit-Fier Shegan, dy mjete janë përplasur në dalje të fshatit Rrupaj duke shkaktuar plagosjen e tre personave. Mjeti me targa greke tentoi të parakalonte mjetin me targa italiane.

Manovra e gabuar e parakalimit bëri që mjeti me targa italiane të përfundojë në kanal. Tre personat që udhëtonin në të, dy bashkëshortët dhe djali i tyre i rritur u transportuan me urgjencë në spitalin e Lushnjës nga dy ambulanca. Ky aks rrugor nacional është tepër i ngushtë për volumin e trafikut që përballon dhe shpeshherë ka aksidente të tilla. 

Aksident me vdekje në Fushë - Krujë

Një aksident me pasojë vdekjen e një personi ka ndodhur mbrëmjen e sotme në Fushë-Krujë. Nuk dihet ende identiteti i të ndjerit dhe rrethanat e ngjarjes. 

Aksident i rëndë në aksin Fier - Shegan, përplasen 2 makina, 3 të plagosur

Aksident i rëndë në aksin rrugor nacional Pushimi i shoferit - Fier Shegan. Dy mjete janë përplasur në dalje të fshatit Rrupaj.

Mjeti me targa greke tentoi të parakalonte mjetin me targa italiane. Manovra e gabuar e parakalimit bëri që mjeti me targa italiane të përfundojë në kanal.

Tre personat që udhëtonin në të, dy bashkëshortët dhe djali i tyre i rritur u transportuan me urgjencë në spitalin e Lushnjes nga dy ambulanca. Policia në vendngjarje po dokumenton rastin dhe po disiplinon trafikun.

Ky aks rrugor nacional është tepër i ngushtë për volumin e trafikut që përballon dhe shpeshherë ka aksidente të tilla.