U përplasi makinën dhe u nxori armën policëve, ja kush është 37-vjeçari i arrestuar në Durrës

U përplasi makinën dhe u nxori armën policëve, ja kush është 37-vjeçari i arrestuar në Durrës

Arian Plaku, Edmond Gjyzeli, Ilir Peraj dhe Stavri Marku janë katër personat që u arrestuan nga policia e Durrësit, pasi iu gjetën me vete sasi e lëndës narkotike, 1 kg e 63 gr kokainë.

Arrestimi i tyre u bë bazuar në informacionet e siguruara në rrugë operative pasi u raportua se lëviznin të armatosur dhe me lëndë narkotike.

Fillimisht ata u ndaluan ditën e djeshme rreth orës 14:15, në vendin e quajtur “Nënkalimi i Urës së Dajlanit”,në mjetin tip “BMW”, me drejtues Edmond Gjyzelin dhe pasagjer Artian Plakun. Gjatë kontrollit në mjet, në pjesën e poshtme të sediljes, policia gjeti 1 kg e 63 gr. lëndë narkotike të dyshuar kokainë. Në momentin e ndalimit, gjatë kontrollit fizik, Edmond Gjyzelit iu gjet në brez një armë zjarri pistoletë me 14 fishkë. Gaatë ndalimit të mjetit nga forcat e Policisë, Gjyzeli goditi automjetin e agjentëve të Forcës së Posaçme Operacionale me automjetin e tij dhe gjatë arrestimit, ka tentuar të nxjerrë nga brezi armën e zjarrit.

2 prej tyre janë me precedent të theksuar kriminal për vrasje, mbajtje të ambienteve për prostitucion dhe prodhim dhe shitje të narkotikëve. Arian Plaku, 46-vjeçari me banim në Durrës, ka qënë i dënuar më parë për veprën penale “Prodhimi dhe shitja e narkotikëve”.

Policia i sekuestroi 1 kg e 63 gr. lëndë narkotike kokainë, 1 armë zjarri dhe municion luftarak.

Aksident i rëndë në Elbasan-Cërrik, makina përfundon në kanal

Një aksident i rëndë, është shënuar në aksin rrugor Elbasan-Cërrik, pranë fshatit Thanë. Një makinë raportohet se ka humbur kontrollin dhe për pasojë ka dalë nga rruga, duke përfunduar në një kanal në anë të saj.

Sipas të dhënave nga vendi i ngjarjes, nga ky aksident nuk ka pasur viktima në njerëz dhe as të plagosur, por vetëm dëme materiale. Ndërkohë, policia ka shkuar në vendin e ngjarjes dhe po punon për zbardhjen e shkaqeve që çuan në këtë aksident.

Aksident në Korçë, makina përplas të riun teksa po lëvizte më këmbë

Një i ri ka mbetur i plagosur në një aksident mëngjesin e sotëm në Korçë. Gazetarja Lorena Kodra raportoi për “BalkanWeb” se aksidenti ndodhi në zonën e terminalit ku një mjet ka përplasur një këmbësor. Sipas dëshmitarëve, personi i plagosur është i ri.

Menjëherë pas aksidentit policia dhe ambulanca kanë shkuar në vendngjarje, teksa i plagosur është dërguar në spital, por ende nuk dihet gjendja shëndetësore e tij.

Aksident në aksin Librazhd-Elbasan, tri automjete përplasen me njëra-tjetrën në “Kthesat e Murrashit”,

Tri automjete janë përfshirë në një aksident në vendin e quajtur “Kthesa e Murrashit ” në aksin e rrugës kombëtare Librazhd -Elbasan

Burime na bëjnë me dije se shkaku i aksidentit që ndodhi rreth orës 17:35 dyshohet se ka qenë tentativa për parakalim e një autoveture.

Fatmirësisht nga aksidenti kanë pësuar dëmtime fare të lehta dy persona ,ndërsa tri automjetet kanë pësuar dëme të shumta materiale. Ndërkohë qarkullimi për shkak të aksidentit është paralizuar plotësisht dhe shërbimet e policisë rrugore po punojnë për rikthimin e normalitetit në qarkullim pasi për momentin ka një fluks të madh në të dy kahet e rrugës.

Detaje të reja nga aksidenti në Mirditë, kush është 57-vjeçari kosovar që mbeti i vdekur, i biri dërgohet me urgjencë në spital

Detaje të reja kanë dalë në dritë nga aksidenti i rëndë që ndodhi pasditen e sotme në Mirditë. Burime bëjnë me dije, se nga përplasja mes autobusit dhe makinës “Land Rover”, viktimë ka mbetur 57-vjeçari nga Kosova, Hysen Selitaj.

I ndjeri ndodhej në ato momente në makinë së bashku me të birin, i cili ka mbetur i plagosur nga përplasja e fortë.Raportohet se ai është dërguar për mjekim në Spitalin e Rrëshenit. Nga krahu tjetër, për fat të mirë, drejtuesi i autobusit dhe pasagjerët nuk pësuar lëndime

Makina “Land Rover” shihet thuajse tërësish e shkatërruar, ndërsa dëme të shumta ka pësuar edhe autobusi. Drejtuesi i kësaj të fundit është shoqëruar në komisariat, ku pritet të japë versionin e tij për ngjarjen.

Njoftimi i Policisë:

Rreth orës 17:22, në aksin rrugor Rubik-Rreshen ,mjeti autobus është përplasur me mjetin tip “Land Rover” me targa italiane, ku si pasojë ka gjetur vdekjen drejtuesi i mjetit ende i paidentifikuar.Drejtuesi i mjetit autobus po shoqërohet në Komisariatin e Policisë Mirditë, për veprime të mëtejshme.

Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes