Aksidenti i trefishtë në Tiranë/ Dy të plagosur, një prej tyre mjek

Mësohet se 40-vjeçari Vanion Cinari, mjek ndodhet në gjendje të rëndë shëndetësore pas dëmtimeve të marra. Ndërsa Alba Shehaj 32-vjeç gjithashtu ka mbetur e plagosur, dhe ka marrë dëmtime më të lehta.

Shkak i aksidentit dyshohet parakalimi i gabuar i njërit prej mjeteve dhe më pas janë përfshirë edhe të makina të tjera të cilat kanë qenë në distancë të afërt.

Grupi hetimor po punon për zbardhjen e plotë të shkaqeve të aksidentit.

Aksidenti në Sauk shkakton kaos në trafik, ekspertët mbledhin provat

Një përplasje e tri automjeteve shkaktoi plagosjen e dy personave në Sauk.

Si pasojë përplasjes, u lënduan Vanion Cinari, me profesion mjek dhe Alba Shehaj, e cila ka marrë lëndime të lehta.

Nga aksidenti është shkaktuar kaos në rrugë, ndërsa ekspertët ndodhen në vendin ngjarjes dhe po mbledhin provat.

Ata paralelisht kanë nisur punën për lirimin e trafikut dhe rikthimin e qarkullimit të automjeteve.

Aksidenti i trefishtë në Sauk, si është gjendja shëndetësore e dy të plagosurve

Një aksident me dy të plagosur u raportua te rrethrrotullimi i Saukut. Në aksident janë përfshirë tre automjet.

Sipas informacioneve nga spitali i Traumës, 40-vjeçari Vanion Cinari, mjek ndodhet në gjendje të rëndë shëndetësore.

Ndërsa e plagosura tjetër, 32-vjeçarja Alba Shehaj ndodhet jashtë rrezikut për jetën

Gazetarja xhoana Çollaku tha për ABC News se të lënduarit ndodhen në kujdesin e mjekëve.

Aksident në Lezhë/ Mjeti bujqësor përplaset me motoçikletën, plagoset drejtuesi

Një aksident ka ndodhur këtë të martë në Baqel të Lezhës. Mësohet se një mjet bujqësor është përplasur me një motoçikletë. Si pasojë, drejtuesi i kësaj të fundit ka mbetur i plagosur.

Ndërkohë, policia ka mbërritur në vendngjarje, ku po punon për zbardhjen e plotë të shkaqeve të aksidentit.

Njoftimi i Policisë:

Rreth orës 14:20, në rrugën e fshatit Baqel, mjeti traktor me drejtues shtetasin P. P., 73 vjeç, është përplasur me motomjetin me drejtues shtetasin A. M., rreth 54 vjeç.

Si pasojë është dëmtuar drejtuesi i motomjetit, i cili ndodhet në spital, në kujdesin e mjekëve.

Me drejtuesin e traktorit, shtetasin P. P., po kryhen veprimet procedurale.

Grupi hetimor ndodhet në vendngjarje dhe po punon për sqarimin e rrethanave të aksidentit.

Aksident me vdekje në aksin rrugor Lushnje-Berat, humb jetën 63-vjeçari (EMRI)

Një aksident me vdekje ka ndodhur në aksin rrugor Lushnje-Berat.

Një 54-vjeçar, duke drejtuar automjetin, ka përplasur një këmbësor 63-vjeçar.

Si pasojë e dëmtimeve, këmbësori Namik Halili  ka humbur jetën në vendngjarje.

Shërbimet e Policisë shoqëruan drejtuesin e automjetit në Komisariat, për veprime të mëtejshme.

Grupi hetimor ndodhet në vendngjarje dhe po punon për sqarimin e plotë të rrethanave të aksidentit.