Sarandë/ Babai përplas aksidentalisht me automjet të bijën 3 vjeçare, dërgohet me helikopter drejt Traumës

Një 3 vjeçare është transportuar nga urgjenca e Sarandës drejt spitalit të Traumës në Tiranë pasi u përplas aksidentalisht me automjet nga babai i saj. Ngjarja ka ndodhur pasditen e së hënës në fshatin Borsh.

Sipas burimeve policore të Sarandës, mësohet se babai i 3 vjeçares, Ilia Laba, ka qenë duke hyrë te porta e oborrit të banesës, kur ka goditur aksidentalisht 3 vjeçaren.

Menjëherë është transportuar në urgjencën e Sarandës, ku pas ndihmës së parë dhe skanerit të bërë fëmijës u konstatua se nga goditja me makinë ka pësuar goditje në organet e brendshme dhe në mushkëri, por jashtë rrezikut për jetën. Për rrjedhojë është transportuar me helikopter drejt spitalit të Traumës në Tiranë.

 Ndërkohë babai i vajzës, Ilia Laba, do të ndiqet në gjendje të lirë.

Aksident në Shkodër, lëndohet 28-vjeçari

Mesditën e kësaj të diele, në aksin rrugor “Shkodër- Lezhë”, një automjet tip Benz, me ka përplasur motomjetin me të cilin po lëvizte një 28-vjeçar.

Sipas policisë, si pasojë e përplasjes ka mbetur i lënduar i riu, i cili aktualisht ndodhet nën kujdesin e mjekëve.

Grupi hetimor po punon për sqarimin e rrethanave dhe shkakut  të aksidentit.

Përplasen dy makina në aksin Berat-Lushnje, disa të plagosur

Një aksident ka ndodhur në orët e para të mëngjesit në aksin rrugor Berat- Lushnje, pranë fshatit Fier Shengan.

Një automjet në të cilin udhëtonin pesë persona dhe një mjet tip “Smart” janë përplasur me njëri-tjetrin. Si pasojë e përplasjes kanë përfunduar në kana.

Është dashur ndërhyrja e forcave të zjarrfikëse dhe policisë për personat që ndodheshin në automjete. Pasagjerët kanë pasuar lëndime të lehta. Të pesë personat që ndodheshin në automjetin tip “Toyota”, po ktheheshin nga një dasmë.

Grupi hetimor po punon për zbardhjen e shkaqeve të aksidentit.