Aksident në hyrje të qytetit, fuoristrada “fluturon” me shpejtësi dhe merr përpara pemët e tabelat në anë të rrugës

Makina e ka përfunduar vrullin e saj në anë të një kanali, pranë një lavazhoje. Zona ku ka ndodhur aksidenti ka qenë e populluar, por fatmirësisht nuk ka pasur asnjë të lënduar.

Goditja e fortë e mjetit ka tmerruar banorët e zonës dhe kalimtarët e rastit, të cilët kanë njoftuar policinë.

Në vendngjarje kanë shkuar efektivë të policisë që qarkullimit rrugor, që po kryejnë edhe veprimet e para procedurale në vendngjarje.

Aksident në aksin Lezhë - Shkodër, përplasen autobusi i punonjësve të kampit të Gjadrit dhe dy automjete, dy të plagosur

Një aksident rrugor ka ndodhur në aksin Lezhë - Shkodër, në afërsi të fshatit Balldren.

Në përplasjen e ndodhur janë përfshirë tre automjete, një autobus i punonjësve italiane të kampit të emigranteve te Gjadrit, një kamionçinë dhe një autoveturë.

Sipas raportimeve të deritanishme, nga aksidenti kanë mbetur te lënduar dy persona, ndërsa policia ndodhet në vendngjarje.

Mësohet se kamionçina po lëvizte në drejtim të Balldrenit kur është ndeshur ballë për balle me autoveturën që po tentonte të parakalonte  autobusin me punonjësit e kampit të Gjadrit në një segment ku sinjalistika nuk e lejon diçka të tillë. Për shkak të përplasjes së fortë kamionçina është rrotulluar në drejtim të kundërt me lëvizjen duke prekur edhe autobusin që lëvizte në drejtim të Lezhës.

Për shkak të përplasjes, trafiku në këtë segment u bllokua për rreth një orë, duke shkaktuar radhë të gjata automjetesh.

Aksident në aksin Gjirokastër - Kakavijë, raportohet për një të plagosur

Rreth orës 20:35, në aksin rrugor “ Gjirokastër - Kakavijë ”, në afërsi të fshatit Goranxi, automjeti me drejtues shtetasin A. K., 49 vjeç, banues në Gjirokastër, është përplasur me motomjetin me drejtues shtetasin A. V., 63 vjeç, banues në fshatin Bulo, Libohovë.

Si pasojë është dëmtuar shtetasi A. V., i cili ndodhet në Spitalin Rajonal Gjirokastër, në kujdesin e mjekëve.

Drejtuesi i automjetit, u shoqërua në komisariat, për veprime të mëtejshme.

Grupi hetimor ndodhet në vendngjarje dhe po kryen veprimet e mëtejshme për aksidentin.