Aksident në aksin Berat-Dimal/ Shoferi humb kontrollin e makinës, humb jetën 33-vjeçari
Një aksident ka ndodhur në aksin rrugor Berat-Dimal, në fshatin Otllak, me pasojë vdekjen e një personi.
Mësohet se shtetasi G. Sh., 34 vjeç, banues në Kuçovë duke drejtuar automjetin tip BMW, ka humbur kontrollin mbi drejtimin e automjetit dhe për pasojë automjeti ka dalë nga rruga.
Nga dalja nga rruga e automjetit, ka humbur jetën pasagjeri, shtetasi L. Ll., 33 vjeç, banues në Kuçovë.
Drejtuesi i automjetit është shoqëruar në Komisariat për veprime të mëtejshme.
Grupi hetimor po punon për zbardhjen e shkaqeve dhe rrethanave të aksidentit.
Lajmet përkatëse
