Lushnjë/ Përplaset ambulanca me kamionin, humb jetën një person

Sipas informacioneve, viktimë e aksidentit ka mbetur pacienti që po transportohej me autoambulancë me urgjencë drejt Tiranës.

Viktima është identifikuar si Dashamir Koçaj, 77 vjeç nga Vlora. Mësohet se, përplasja ka ndodhur në kryqëzim të autostradës, Lushnje-Fier, ndërsa ende nuk dihen shkaqet e aksidentit.

Po ashtu, të plapsur nga aksidenti kanë mbetur edhe infermieri së bashku me drejtuesin e autoambulancës. Ndërkohë, Policia ka shoqëruar drejtuesin e kamionit, i cili po merret në pyetje në lidhje me dinamikën e ngjarjes.

Tiranë, makina humb kontrollin dhe përplas një fëmijë 11-vjeç

Një aksident i rëndë ka ndodhur ditën e sotme në Tiranë, ku një 11-vjeçar është aksidentuar nga një makinë.

Policia bën me dije se ngjarja ka ndodhur rreth orës 11:15, në afërsi të fushës së sportit në Laprakë, ku dyshohet se një shtetas, duke drejtuar mjetin e tij, ka aksidentuar një të mitur 11 vjeç, i cili si pasojë është dëmtuar dhe ndodhet në spital, nën kujdesin e mjekëve.
Grupi hetimor po punon për sqarimin e rrethanave të ngjarjes.