Përgjaken sërish rrugët e vendi, 50-vjeçari përplaset për vdekje nga karrotreci

10 muaj, 2 javë më parë - 11 Prill 2023, Gazeta Shqiptare
Përgjaken sërish rrugët e vendi, 50-vjeçari përplaset për vdekje nga karrotreci
Një aksident me pasojë vdekjen ka ndodhur në aksin rrugor “Rrogozhinë-Lushnjë”, rreth orës 03:00 të mëngjesit të së hënës (10 prill).

Raportohet se një 50 vjeç, ende i paidentifikuar, është përplasur nga nje karrotrec në afërsi të fshatit Zhamë.

Dyshohet se viktima është endacak. Ndërsa drejtuesi i mjetit, 27 vjeçari me iniciale M. Ç., banues në Levan, është shoqëruar në ambientet e Policisë, për kryerjen e veprimeve të mëtejshme procedurale.

Lushnjë/Informacion paraprak

Rreth orës 03:00, në aksin rrugor “Rrogozhinë-Lushnjë”, në afërsi të fshatit Zhamë, automjeti tip “Karrotrec”, me drejtues shtetasin M. Ç., 27 vjeç, banues në Levan, ka aksidentuar një shtetas rreth 50 vjeç, ende të paidentifikuar (dyshohet endacak), i cili ka ndërruar jetë.

Shtetasi M. Ç. është shoqëruar në ambientet e Policisë, për kryerjen e veprimeve të mëtejshme procedurale.

Grupi hetimor po punon për përcaktimin e shkaqeve të aksidentit dhe identifikimin e shtetasit që ka ndërruar jetë.

Merr flakë në lëvizje autobusi i linjës së “Institutit” në Tiranë, detajet e para

Policia e kryeqytetit ka bërë me dije se një autobus i linjës së “Institutit” ka marrë flakë në lëvizje e sipër, në rrugën “Dritan Hoxha”.

Blutë njoftojnë se si pasojë e flakëve është djegur pjesërisht pjesa e motorit të mjetit, ndërsa nuk raportohet për të lënduar.

Paraprakisht dyshohet se zjarri është shkaktuar aksidentalisht, por grupi hetimor po punon për zbardhjen e rrethanave të ngjarjes.

Njoftimi:

Tiranë/Informacion paraprak

Me datë 10.04.2023, rreth orës 16:50, në rrugën “Dritan Hoxha”, ka marrë flakë në lëvizje e sipër dhe është djegur pjesërisht në pjesën e motorrit, autobusi i linjës së Institutit, me drejtues shtetasin S. A.

Në vendin e ngjarjes kanë shkuar shërbimet e Policisë dhe shërbimet zjarrfikëse. Personat që ndodheshin në autobus kanë dalë nga autobusi dhe nuk ka asnjë të dëmtuar.

Paraprakisht dyshohet se zjarri është shkaktuar aksidentalisht. Grupi hetimor po punon për zbardhjen e rrethanave të ngjarjes.

Support Ukraine