I riu me motoçikletë përfundon në një kanal me ujë, 17-vjeçari shpëtohet nga dy persona

Mësohet se i riu ishte duke drejtuar një motoçikletë të përshtatur me karroceri për transport, kur ka dalë nga rruga dhe ka përfunduar në kanal.

Ngjarja ka ndodhur në rrugën që lidh qytetin e Lushnjës me autostradën dhe është parë nga dy persona që po udhëtonin me makinë. Ata kanë ndaluar dhe i kanë ardhur në ndihmë 17-vjeçarit, i cili ishte duke u mbytur nga uji në kanal.

Pas njoftimit të policisë dhe ambulancës i dëmtuari që u nxor nga kanali nga persona që ishin kalimtarë  dhe u dërgua në spitalin e Lushnjës në gjendje të rëndë.

17 vjeçari i quajtur Mateo është banor në Savër dhe kthehej në shtëpi. Policia në vendngjarje po kryen procedurat e nevojshme për zbardhjen e shkaqeve të daljes nga rruga dhe plagosjes së të riut.

Paraprakisht dyshohet se i dëmtuari ka humbur kontrollin mbi motoçikletën dhe ka përfunduar në kanalin përbri rrugës i cili është i mbushur me ujë.

Përplasi për vdekje me makinë këmbësorin, arrestohet 35-vjeçari

Specialistët e qarkullimit rrugor arrestuan shtetasin: J. M., 35 vjeç, pasi dyshohet se rreth orës 02:25 të datës 29.04.2025, automjeti që drejtonte ky shtetas ka përplasur një këmbësor ende të paidentifikuar, rreth 70 vjeç, i cili po kalonte trafikndarësen. Si pasojë, 70-vjeçari ka humbur jetën. Punohet për identifikimim e tij;

Zjarr në një garazh, përfshihen nga flakët disa automjete. Pamjet nga vendi i ngjarjes

Një zjarr ka rënë në garazhin e një pallati në qendër të qytetit të Vlorës. Ngjarja është regjistruar pasditen e kësaj të mërkure, në zonën e njohur si ish fabrika e Orizit.

Raportohet se brenda garazhit janë përfshirë nga flakët edhe disa automjete.

Zjarrfikëset mbërritën në vendin e ngjarjes  për të bërë të mundur shuarjen e flakëve.

Ende nuk dihen shkaqet e rënies së zjarrit.