Burime për Klan Neës bëjnë me dije se drejtuesi i automjetit tip “Volkswagen” ka humbur kontrollin dhe ka goditur një “Benz” i cili ka qenë i parkuar para lokalit.
Njëri nga shoferët është dërguar me urgjencë në spitalin e Lushnjes, por fatmirësisht është jashtë rrezikut për jetën.
Mësohet se lokali ka qenë i mbyllur dhe nuk ka pasur klientë apo personel, në momentin që makinat kanë përfunduar brenda tij.
Pronarja e lokalit thotë se kanë dëgjuar një zhurmë të tmerrshme, ndërsa ishte në shtëpi, teksa kamerat sipas saj treguan se çfarë kishte ndodhur.
Aksident në rrugën Lezhë-Shkodër/ Përplasen tre makina, plagoset burri dhe gruaja shtatzënë
Një aksident ka ndodhur mëngjesin e sotëm në aksin rrugore Lezhë - Shkodër. Tre makina janë përplasur me njëra-tjetrën, e për pasojë ka të lënduar.
Sipas informacioneve, dy të lënduarit janë burrë e grua, kjo e fundit shtatzënë.
Ata janë transportuar drejt Spitalit të Lezhës, teksa ende nuk dihet gjendja e tyre shëndetësore.
Aksident në Vlorë, makina përplas kalimtarin
Një aksident është shënuar në rrugën transballkanike në Vlorë.
Një automjet ka përplasur një kalimtar, i cili është dërguar drejt spitalit rajonal të qytetit.
Policia po punon për zbardhjen e rrethanave të ngjarjes.
Aksident në Shkodër, përplasen dy automjete
Një aksident ka ndodhur këtë të hënë në aksin Shkodër-Kryebushat në vendin e quajtur Beltojë. Mësohet se dy automjete janë përplasur me njëra-tjetrën.
Si pasojë, ka vetëm dëme materiale.
Ndërkohë, policia ka mbërritur në vendngjarje, ku po punon për zbardhjen e shkaqeve të aksidentit.
Makina përplasi biçikletën në Shkodër/ Flet i aksidentuari: Përfundova poshtë automjetit, u mundova t’i shmangem
Një aksident ka ndodhur këtë të hënë në aksin rrugor “Shkodër-Koplik”. Mësohet se një automjet ka përplasur një biçikletë, e cila drejtohej nga 35-vjeçari Taulant Kullaj.
Si pasojë, ky i fundit ka marrë dëmtime në pjesën e legenit dhe ndodhet nën kujdesin e mjekëve në spitalin e Shkodrës.
Kullaj shprehet se një makinë ka dalë nga rruga dhe e ka përplasur, ku për pasojë ka përfunduar poshtë makinës.
“Unë isha duke shkuar për në shtëpi dhe makina më mori përpara. Më kanë nxjerrë nga poshtë makinës, disa persona që ishin në një lokal aty pranë. Nëse nuk do më nxirrnin do kisha vdekur. Unë u mundova t’i shmangem, por nuk munda”, tha ndër të tjera ai.
Aksident në autostradën Vlorë-Fier/ Automjeti del nga rruga, lëndohet drejtuesi
Një aksident automobilstik është regjistruar mesditën e së martës në autostradën Vlorë - Fier.
Mësohet se një automjet ka dalë nga rruga dhe drejtuesi është lënduar. Nga aksidenti ka dëme të shumta materiale.
I plagosuri u shoqërua me ambulancë në drejtim të Spitalit Rajonal të Vlorës për të marrë ndihmën mjekësore. Policia mbërriti në vendin e ngjarjes për të bërë hetimet dhe përcaktuar shkaqet e aksidentit.
Si në filma/ I riu me banim në SHBA vjedh makinën në Vorë dhe më pas taksinë, gjatë ndjekjes godet automjetin e policisë
Si në filma, një i riu me banim në SHBA ka vjedhur një makinë në Vorë dhe më pas e ka furnizuar në një karburant, pa kryer pagesën.
Një ditë më pas, ai ka marrë një taksi dhe ka vjedhur po këtë automjet. Më tej, i riu gjatë ndjekjes ka goditur automjetin e bluve.
Njoftimi i Policisë:
Specialistët e Seksionit për Hetimin e Krimeve në Komisariatin e Policisë Nr. 6 arrestuan shtetasin 27 vjeç, banues në ShBA, pasi dyshohet se ka vjedhur një automjet në Vorë, me të cilin ka shkuar në një karburant dhe e ka furnizuar por nuk kryer pagesën. Më pas, ditën e djeshme, ka marrë një taksi dhe pasi drejtuesi i taksisë ka zbritur nga mjeti, shtetasi ka vjedhur mjetin dhe është larguar. Gjatë ndjekjes nga Policia, ky shtetas ka goditur një automjet policie.
Lajmet përkatëse
