Aksidenti me tre të plagosur në aksin Lezhë-Shkodër, arrestohet 20 vjeçarja që drejtonte makinën tip Porsche

Njoftimi i policisë:

Velipojë, Shkodër/Në vijim të informacionit paraprak të dhënë më datë 20.05.2023, për një aksident në aksin rrugor “Shkodër – Lezhë”, në fshatin Melgushë, ju bëjmë me dije se specialistët për Trafikun Interurban dhe Urban të DVP Shkodër arrestuan shtetasen R. P., 20 vjeçe, banuese në fshatin Mali i Jushit, Vau i Dejës, pasi duke drejtuar automjetin tip “Porsche”, ka humbur kontrollin mbi drejtimin e tij dhe për pasojë automjeti ka dalë nga rruga. Nga ky aksident kanë mbetur të dëmtuara pasagjeret në këtë automjet, shtetasja D. N. dhe shtetasja ukrainase I. K., të cilat marrin asistencë më të specializuar mjekësore, në Spitalin e Traumës, Tiranë. Materialet procedurale i kaluan Prokurorisë pranë Gjykatës së Parë të Juridiksionit të Përgjithshëm Shkodër, për veprime të mëtejshme.

Tiranë/ Makina përplaset me bordurat anësore, ndërron jetë shoferi 17-vjeçar

Një aksident i rëndë ka ndodhur pak minuta më parë në Baldushk, Tiranë.

Një 17-vjeçar duke drejtuar automjetin tip “Benz”, dyshohet se ka humbur kontrollin dhe ka dalë nga rruga duke u përplasur me bordurën anësore.

Si pasojë e këtij aksidenti, i mituri ka ndërruar jetë.

Grupi hetimor po punon për sqarimin e rrethanave të aksidentit.