E rëndë/ Shoferi aksidenton për vdekje qytetarin, e lë në rrugë të pajetë

1 muaj, 1 javë më parë - 24 Dhjetor 2022, Gazeta Shqiptare
E rëndë/ Shoferi aksidenton për vdekje qytetarin, e lë në rrugë të pajetë
Një person është gjetur i pajetë në Elbasan, ende i paidentifikuar.

Dyshohet se viktima ka humbur jetën pasi është aksidentuar nga një drejtues automjeti, ende i paidentifikuar, i cili është larguar nga vendngjarja.

Ende nuk dihen rrethanat e ngjarjes, por autoritet janë vendosur në ndjekje të drejtuesit të automjetit.

Njoftimi i policisë:

Elbasan/Informacion paraprak

Më datë 22.12.2022, në aksin rrugor Elbasan-Peqin, në fshatin Paper, është gjetur i pajetë, në rrugë, një shtetas ende i paidentifikuar.

Nga veprimet hetimore paraprake dyshohet se ky shtetas ka humbur jetën pasi është aksidentuar nga një drejtues automjeti, ende i paidentifikuar, i cili është larguar nga vendngjarja.

Grupi hetimor po punon për zbardhjen e rrethanave të aksidentit, identifikimin e viktimës, identifikimin dhe kapjen e drejtuesit të automjetit.

Materialet i kaluan Prokurorisë pranë Gjykatës së Shkallës së parë Elbasan, për veprime të mëtejshme.

Aksident i dyfishtë në rrugën Korçë-Voskopojë, plagoset një grua

Një aksident rrugor ka ndodhur në rrugën Korçë-Voskopojë, ku për pasojë ka mbetur e plagosur një grua.

Mësohet se automjeti ‘Audi’ është përplasur me një motomjet, ku për pasojë është aksdidentuar dhe këmbësorja, shtetësia me iniciale V.Xh.

Fatmirësisht e lënduara nuk ka marrë dëmtime serioze dhe ndodhet jashtë rrezikut për jetën.

Njoftimi i policisë:

Gjithashtu sot rreth orës 10:43, në rrugën Korçë-Voskopojë, një automjet tip “Audi”, me drejtues shtetasin B. L., është përplasur me një motomjet tip “Lifan”, me drejtues shtetasin M. S. Si pasojë e përplasjes, është aksidentuar këmbësorja V. Xh., rreth 48 vjeçe, banuese në Korçë, e cila u dërgua në spitalin e Korçës, ku ndodhet jashtë rrezikut për jetën.

Me drejtuesit e automjeteve po kryen veprimet e mëtejshme procedurale.

Aksident në Vlorë, dy të rinj në gjendje të rëndë

Një aksident ka ndodhur në qytetin e Vlorës.  Dy të rinj  ndodhen në gjendje të rëndë në spital.

Të aksidentuarit janë Emiljano Dulaj 28-vjeç dhe Altin Sinademi-33 vjeç i cili ndodhet në gjendje më të rëndë.

Të aksidentuarit kanë qënë duke udhëtuar me makinë dhe aksidenti ka ndodhur në rrugë të zonës së fushës së druve.

Ende nuk dihen shkaqet e aksidentit , por dy të rinjtë janë duke marrë mjekim nga bluzat e bardha.

Support Ukraine