Përplasen dy makina në aksin Fier-Vlorë, plagosen pesë persona

Mësohet se, automjeti tip "Nisan" i cili drejtohej nga R.C ka përplasur një tjetër automjet tip "Opel", me drejtues R.N.

Nga përplasja e fortë janë plagosur pasagjerët të cilët ndodheshin në të dy mjetet.

Nga të dhënat e para të plagosurit janë dërguar në spitalin e Fierit për të marrë mjekimin e nevojshëm,ndërkohë endenuk dihet saktësisht gjendja shëndetësore e tyre. Policia ka mbërritur në vendngjarje dhe po punon për zbardhjen e rrethanave të aksidentit.

Njofimi i policisë

Në datën 28.03.2018, rreth orës 14:55, në aksin rrugor Fier-Vlorë, në hyrje të Levanit, është përplasur mjeti tip "Nisan" me drejtues shtetasin R.C, dhe mjeti tip "Opel" me drejtues shtetasin R.N.

Si pasojë e përplasjes janë dëmtuar pasagjerët e të dyja mjeteve, konkretisht shtetasit:

-F.N,63 vjeçe, banuese në Vlorë.
-N.K, 69 vjeç, banues në Vlorë.
-S.M, 19 vjeçe, banuese në Tiranë.
-Dh.N, 30 vjeç, banues në Sarandë.
-E.F, 28 vjeçe, banuese në Berat.

Të gjithë të dëmtuarit ndodhen në Spitalin Rajonal Fier nën kujdesin e mjekëve.

Grupi hetimor po punon për zbardhjen e plotë të ngjarjes.