Aksident në autostradën Vlorë-Fier/ Makina përplaset me motomjetin

Si pasojë e përplasjes është dëmtuar 20 vjeçari dhe pasagjeri në motomjet, të cilët ndodhen në Spitalin Rajonal Vlorë, jashtë rrezikut për jetën.

Ndërkohë, policia po punon për zbardhjen e shkaqeve të aksidentit.

Njoftimi i Policisë:

Rreth orës 16:40, në qëndër të fshatit “Novoselë”, automjeti tip Benz me drejtues shtetasin A. I., është përplasur me një motomjet që drejtohej nga shtetasi M. M., 20 vjeç, me të cilin udhëtonte dhe një shtetas tjetër, të dy  banues në Novoselë.

Si pasojë e përplasjes është dëmtuar 20-vjeçari dhe pasagjeri në motomjet, të cilët ndodhen në Spitalin Rajonal Vlorë, jashtë rrezikut për jetën.

Grupi hetimor vijon punën për sqarimin e plotë të rrethanave të ngjarjes.

Aksident në Përmet/ Humb kontrollin dhe del nga rruga kamioni, plagoset shoferi

Një aksident ka ndodhur pasditen e kësaj të hëne në aksin rrugor “Këlcyrë-Dragot” të Përmetit. Mësohet se shoferi i një kamioni ka humbur kontrollin, edhe mjeti ka dal nga rruga.

Si pasojë, shoferi ka mbetur i plagosur dhe është dërguar për ndihmë mjekësore, në spitalin e Tepelenës.

Njoftimi i Policisë:

Rreth orës 18:00, në aksin rrugor “Këlcyrë-Dragot”, në vendin e quajtur “Fusha e Dragotit”, shtetasi, 64-vjeç, ka humbur kontrollin mbi drejtimin e automjetit kamion, dhe për pasojë ky automjet ka dalë jashtë rruge.

Nga aksidenti, është dëmtuar 64-vjeçari, i cili u dërgua për ndihmë mjekësore, në spitalin e Tepelenës.

Grupi hetimor vijon punën për sqarimin e plotë të rrethanave të këtij aksidenti.