Aksident në aksin Fier-Vlorë, makina përplas për vdekje një 60-vjeçar
Një aksident automobilistik u shënua sot pasdite në autostradën Fier – Vlorë në afërsi të fshatit Novoselë.
Një makinë tip “Ford” e cila drejtohej nga shtetasja K. Gj., 44 vjeçe aksidentoi një shtetas mashkull, ende të paidentifikuar, rreth 60 vjeç, këmbësor, i cili si pasojë e dëmtimeve të marra humbi jetën në vendngjarje, informoi policia e Vlorës.
Vlorë/Informacion paraprak
Sot, rreth orës 15:50, në autostradën “Fier-Vlorë”, në afërsi të fshatit Novosel, shtetasja K. Gj., 44 vjeçe, duke drejtuar automjetin tip “Ford”, ka aksidentuar një shtetas mashkull, ende të paidentifikuar, rreth 60 vjeç, këmbësor, i cili si pasojë e dëmtimeve të marra ka humbur jetën në vendngjarje.
Grupi hetimor ndodhet në vendngjarje dhe po kryen veprimet e mëtejshme për aksidentin.
