Aksidenti i shumëfishtë në aksin Fier-Vlorë, plagosen dy persona!

Një aksident i shumëfishtë  ka ndodhur mesditën e sotme në aksin Fier - Vlorë, ku 7 automjete që udhëtonin drejt qytetit bregdetar, janë përplasur me njëra-tjetrën duke lënë të plagosur disa persona.

Sipas njoftimit të policisë, si pasojë e përplasjes janë dëmtuar dy pasagjeret, shtetaset M. Rr., 52 vjeçe dhe S. Rr., 32 vjeçe.

Po ashtu në spital kanë shuar për kontrolle edhe tre prej drejtuesve, shtetasit me iniciale R. M., 46 vjeç, M. V., 45 vjeç, V. N., 22 vjeçe dhe një fëmijë 1 vjeç.

Paraprakisht dyshohet se shkak i aksidentit mund të ketë qenë shpejtësia në rrugë dhe lagështira, për shkak të reshjeve të dendura të shiut.

Njoftimi i policisë:

Rreth orës 15:00, në bypass_in Fier - Vlorë, janë përfshirë në aksident rrugor automjetet me drejtues shtetasit A. B., E. Gj., Sh. K., A. B., V. N., R. M. dhe M. V.

Si pasojë e përplasjes janë dëmtuar dy pasagjeret, shtetaset M. Rr., 52 vjeçe dhe S. Rr., 32 vjeçe, si edhe kanë shkuar në spital për kontroll mjekësor tre prej drejtuesve, shtetasit R. M., 46 vjeç, M. V., 45 vjeç, V. N., 22 vjeçe dhe një foshnjë 1 vjeçe.

Grupi hetimor po punon për sqarimin e plotë të rrethanave dhe shkakut të aksidentit.

Aksident zinxhir në autostradë, përplasen 7 makina, raportohet për tre persona të plagosur

Një aksident zinxhir ka ndodhur ditën e sotme (31 mars) në autostradën Lushnje - Vlorë, pranë vendit të quajtur Kthesa e Pojanit.

Në aksident janë përfshirë 7 automjete, njëra prej të cilave taksi.

Për pasojë tre persona raportohet se kanë mbetur të plagosur dhe janë transportuar për në Spitalin Rajonal të Fierit.

Paraprakisht dyshohet se shkak i aksidentit mund të ketë qenë shpejtësia në rrugë dhe lagështira, për shkak të reshjeve të dendura të shiut.

Policia dhe grupi hetimor po punon për zbardhjen e plotë të rrethanave të aksidentit.