Aksident i dyfishtë në Sarandë, plagosen dy drejtuesit e mjeteve

Dy mjete janë përplasur me njeri tjetrin. Nga aksidenti, mësohet se të dy drejtuesit e mjeteve janë transportuar në spital.

Sipas bluzave te bardha, njëri prej drejtuesve, i identifikuar si Geart Çoçka ka pasur nje goditje në koke, ndërsa është jashte rrezikut për jetën. Edhe drejtuesi tjetër nuk paraqet probleme shëndetësore.

Ende nuk dihet cili ka qenë shkaku i aksidentit, ndersa specialistët e qarkullimit rrugor ndodhen në vendngjarje.

Policia “zbarkon” në rrugë pas aksidenteve, arrestohen 8 shoferë, 6 në gjendje të dehur dhe 2 pa patentë

Aksidentet e ditëve të fundit me pasojë vdekjen, kanë shtuar kontrollet policore për evidentimin dhe ndëshkimin e shkelësve të kodit rrugor.

8 drejtues mjetesh janë vënë në pranga, nga të cilët 6 për drejtim mjeti në gjendje të dehur dhe dy të tjerë për drejtim mjeti pa patentë.

Në një njoftim zyrtar, policia bën me dije se falë kontrolleve të shtuara, janë pezulluar 109 leje drejtimi, 83 të tjera për shpejtësi mbi normat e lejuara në akset kryesore nacionale dhe në qendrat urbane, 22 të tjera për drejtim mjeti nën efektin e alkoolit dhe 4 për qarkullim në sens të kundërt.

Përdorimi i celularit gjatë drejtimit të automjetit bëri që të ndëshkoheshin me masë administrative 628 shoferë, ndërsa 211 të tjerë janë gjobitur për parakalime dhe manovra të gabuara.

Po kështu, gjatë kësaj jave, 395 drejtues mjetesh janë ndëshkuar për mosvënien e rripit të sigurimit, ndërsa 103 drejtues motomjetesh janë gjobitur për mosvendosje të kaskës mbrojtëse e shenjave sinjalizuese gjatë natës.

Kjo javë, fatkeqësisht regjistroi një bilanc të rënduar të aksidenteve rrugore, ku brenda 24 orëve humbën jetën 6 persona, 3 të rinj në Sauk dhe 3 persona të tjerë nga aksidente të ndodhura në Durrës, Kavajë dhe Korçë.

Gjithashtu të shtunën një i ri humbi jetën në Dibër teksa ndodhej pasagjer brenda automjetit të mikut të tij.

Kërcënim, plagosje dhe shkelje të Kodit Rrugor, 4 të arrestuar në Vlorë

4 persona kanë rënë në prangat e policisë së Vlorës për vepra të ndryshme penale. Një 30 vjeçar është ndaluar pasi gjykata kishte dhënë masën e sigurisë arrest me burg për plagosje të rëndë me dashje. N.J ishte në kërkim pasi kishte plagosur me thikë në shtator të vitit të kaluar.

Gjithashtu në pranga është vënë edhe një 42 vjeçar pasi dyshohet se ka kanosur me fjalë bashkëshorten e tij. Janë arrestuar edhe dy shtetas të tjerë për shkelje të Kodit Rrugor. Një 18 vjeçar po drejtonte motomjetin pa leje drejtimi ndërsa një 48 vjeçar pasi ishte i dehur në timon.

Njoftimi i policisë:

Specialistët për Hetimin e Krimeve të Stacionit të Policisë Orikum, në vijim të punës për kapjen e personave në kërkim dhe vënien e tyre para përgjegjësisë penale, kapën dhe ndaluan shtetasin në kërkim N. J., 30 vjeç, banues në Orikum, të cilit Gjykata e Shkallës së Parë Vlorë i ka caktuar masën e sigurisë “Arrest në burg”, për veprën penale “Plagosja e rëndë me dashje”.

Ky shtetas ishte shpallur në kërkim, pasi dyshohet se më datë 07.11.2022, ka plagosur me mjet prerës (thikë), shtetasin F. A.

Specialistët për Hetimin e Krimeve të Komisariatit të Policisë Vlorë arrestuan në flagrancë shtetasin B. Sh., 42 vjeç, banues në Vlorë, pasi dyshohet se ka kanosur me fjalë bashkëshorten e tij.

Specialistët e Qarkullimit Rrugor të DVP Vlorë arrestuan në flagrancë shtetasit:

-B. L., 18 vjeç, banues në Vlorë, pasi u kap duke drejtuar motomjetin, pa leje drejtimi;

-D. M., 48 vjeç, banues në Tepelenë, pasi u kap duke drejtuar automjetin, në gjendje të dehur.

Materialet iu referuan Prokurorisë, për veprime të mëtejshme.