Shkrumbohet makina e 25 vjeçarit në Vlorë, policia: E qëllimshme

31 Tetor 2017 - Gazeta Shqiptare

Shkrumbohet makina e 25 vjeçarit në Vlorë, policia: E qëllimshme

Një makinë është djegur gjatë natës në qytetin e Vlorës.

Policia bën me dije se incidenti ka ndodhur rreth orës 03:00 në lagjen "Kushtrimi", përballë shkollës "Halim Xhelo".

"Është djegur pothuajse plotësisht mjeti tip "Daimler Chrysler", në pronësi të shtetasit M.D., 25 vjeç", njofton policia.

Informacioni paraprak:

Më datë 31.10.2017, rreth orës 03:00, Salla Operative Vlorë është njoftuar nga një telefonatë se në lagjen "Kushtrimi", përballë shkollës "Halim Xhelo", është djegur pothuajse plotësisht mjeti tip "Daimler Chrysler", në pronësi të shtetasit M. D., 25 vjeç.

Në vendngjarje kanë shkuar shërbimet Policore së bashku me shërbimin zjarrfikës, ku kanë bërë të mundur shuarjen e flakëve të zjarrit.

Nga verifikimi paraprak i këqyrjes së mjetit dyshohet që zjarri të jetë shkaktuar qëllimisht.

Grupi hetimor po punon për përcaktimin e plotë të shkakut të rënies së zjarrit dhe për identifikimin e kapjen e autorëve.

Shiteni Makinën Tuaj